ރާއްޖޭގެ ފިލްމީ ތަރިން ކަމަށްވާ ތަޖުރިބާކާރު އެކްޓަރު މުހައްމަދ ރަޝީދު ދަރާ) އާއި އަރަމުން އަންނަ ޒުވާން ބަތަލާ އައިމިނަތު ރަޝްފާ އާޝާ) ކައިވެނިކޮށްފިއޭ ބުނެފި ނަމަ ގަބޫލު ކުރެވޭނެ ހެއްޔެވެ؟ ފަހަރުގައި ގަބޫލު ކުރަން ދަތިވެދާނެ އެވެ، ސަބަބަކީ އާޝާ އަކީ ދަރާގެ ދަރިއެއްގެ އުމުރުގެ ބަަތަލާއަކަށްވާތީ އެވެ.
ނަމަވެސް އާޝާ ސޯޝަލް މީޑިއާ ޕޯސްޓަކުން މި ވަނީ ގިނަ ބަޔަކަށް ހައިރާންކަން ގެނުވައިފަ އެވެ. އުމުރުން 25 އަގަރުގެ ބަތަލާ އާއި ދަރާ، 60، އެކީގައި ފެންނަ "ލޯބި" ފޮޓޯއާ އެކީ ބުނެފައި ވަނީ "ލޯތްބަށް ވަކި އުމުރެއް ނެތް" ކަމަށާއި "ހަޔާތުގެ ބައިވެރިއަކަށް ދަރާ ކަހަލަ މީހަކު ލިބުމަކީ ނަސީބެއް" ކަމަށެވެ.
ކޮންމެއަކަސް މި ޕޯސްޓާ އެކީ ސުވާލުުތަކެއް އުފެދުފައިވާ އިރު ފަހަރުގައި މިއީ "ޕަބްލިސިޓީ ސްޓަންޓަކަށް" ވެސް ވެދާނެ އެވެ. ސަބަބީ އާޝާ އާއު ދަރާ އެކީގައި ފެންނާނެ ފިލްމެއް ސިނަމާ އަންނަން އޮތުމެވެ. އެއީ އަންނަ މަހުގެ 27 ގައި އޮލިމްޕަހުގައި ޕްރީމިއާކުރަން ހަމަޖެހިފައިވާ ޑައިރެކްޓަރު ހުސައިން މުނައްވަރުގެ "ކަމަނާ" އެވެ.
މަހުދީ އަހުމަދުގެ ސްކްރީންޕްލޭއަކަށް ހަދާފައިވާ މި ފިލްމުގެ ކާސްޓަގައި މަޝްހޫރު ތަރިން ކަމަށްވާ ޔޫސުފް ޝަފީއު ޔޫއްޕެ) އާއި މަރިޔަމް އައްޒަ ވެސް ހިމެނެ އެވެ. އަންބަކަށް ލިބޭ ގެވެށިއަނިޔާގެ ހަގީގީ ހާދިސާއެއްގެ މައްޗަށް ބިނާކޮށް ހަދާފައިވާ "ކަމަނާ" އަށް އޮތީ އިންތިޒާރުގައި ތިބުމެވެ.
އާޝާގެ ޕޯސްޓުން ފިލްމަށް އިތުރަށް އިންތިޒާރު ކުރުމުގެ ޝައުގުވެރިކަން ވެސް ފިލްމު ބަލާ މީހުންގެ މެދުގައި ޔަގީނުން ވެސް ބޮޑުވާނެ އެވެ. އެހެންވެ އާޝާގެ ޕޯސްޓާއި ދެ ތަރިން "ކަމަނާ" އުން ފެންނާނެ ރޯލުތަކާ އެއްވެސް ވަރެއްގެ ގުޅުމެއް އޮތްތޯ ބަލައިލުމުގެ ޝައުގުވެރިކަން މިހާރު ވަރަށް ބޮޑެވެ.
އަށްޑިހައިގެ އަހަރުތަކުގެ ތެރޭގައި ފިލްމީ ދާއިރާ އަށް ނުކުތް ދަރާ އަކީ، މި ދާއިރާގައި މިހާރު ތިބި އެންމެ ތަޖުރިބާކާރު އެކްޓަރުންގެ ތެރެއިންނެވެ. ވަރަށް ގިނަ ފިލްމުތަކުގައި އޭނަ މިހާތަނަށް މަސައްކަތްކޮށްފައިވާ އިރު، ކުރިން އުމުރުގެ ފަރަގު ބޮޑު ބަތަލާއަކާ އެކީ ލޯބީގެ ރޯލެއް ދަރާ ކުޅެފައިވެ އެވެެ.
އެއީ ޑައިރެކްޓަރު މޫމިން ފުއާދުގެ 2011 ގެ "ލޫދިފާ" އެވެ. އެ ފިލްމުގައި އޭރުގެ މަޝްހޫރު ބަތަލާ މަރިޔަމް އަފީފާ، 40، އާ އެކީ ކުޅުނު ރޯލެވެ.
އާޝާ އަކީ 2019 ގެ ފިލްމު "ގޮށްރާޅު" އިން ތައާރަފުވި ބަތަލާއެކެވެ. އޭނަ އަކީ މި ވަގުތު ފިލްމީ ދާއިރާގައިި ޒުވާން ބަތަލާއިންގެ ތެރެއިން އެންމެ އުންމީދީ އަދި އެންމެ ޑިމާންށް ބޮޑު އެކެކެވެ. މި އަހަރު އޮލިމްޕަހަށް އައި ފުރަތަމަ ފިލްމަކީ ވެސް އާޝާގެ ފިލްމެކެވެ. އެއީ ޖެނުއަރީގައި އެޅުވ "މީ އިޝްގް" އެެވެ.
"ބީވީމާ" އާއި "ހިނދުޅެއްގެ ބަތަލާ މި އަހަރު ފެންނާނެ ޕްރޮޖެކްޓްތަކުގެ ތެރޭގައި މި މަހުގެ 11 ގައި މީޑިއާނެޓުން ޕްރީމިއާކުރަން ހަމަޖެހިފައިވާ "އެ ރެއަށް ފަހު" އާއި އަންނަ މަހުގެ 7 ގައި އޮލިމްޕަހަށް ގެންނަން ނިންމާފައި އޮތް އަޅުވަން ލޯބީގެ ބިރުވެރި ފިލްމު "ސާޔާ" ހިމެނެ އެވެ.