އާލިއާ ބަޓާއި ޝަރްވާރީ ވާގް ހިމަނައިގެން ޔާޝްރާޖް ފިލްމްސް ވައިއާރްއެފް) އިން ހަދަން ނިންމާފައިވާ އެ ސްޓޫޑިއޯގެ ފުރަތަމަ އަންހެން ފިލްމު މިއަދު ރަސްމީކޮށް އިއުލާންކޮށްފި އެވެ.
އެގޮތުން މިއަދު ވަނީ ފިލްމުގެ ޓައިޓްލް ލޯގޯ ދައްކާލައިފަ އެވެ. މި ފިލްމަށް ކިޔަނީ "އަލްފާ" އެވެ. އާލިއާ އާއި ޝަރްވާރީ ވަރުގަދަ އެކްޝަން ރޯލުތަކުން ފެންނާނެ ފިލްމުގެ ޑައިރެކްޓަރަކީ މިދިޔަ އަހަރުގެ ފަަހުކޮޅު ވައިއާރްއެފުން ގެނެސްދިން ވެބް ސީރީޒް "ރެއިލްވޭ މެން" ގެނެސްދިން ޒުވާން ޑައިރެކްޓަރު ޝިވް ރަވައިލް އެވެ.
"އަލްފާ" މިއަދު ރަސްމީކޮށް އިއުލާންކުރި އިު، މި ފިލްމަށް ތައްޔާރުވުމުގެ ގޮތުން އާލިއާ އާއި ޝަރުވާނީ ޓްރެއިނިންތަކެއް ވެސް ހަދާތާ ދުވަސްތަކެއްވެއްޖެ އެވެ. ފާހަގަކޮށްލެވޭ ކަމަކީ މި ފިލްމަކީ ވައިއާރްއެފަށް އާލިއާ ކުޅޭ ފުރަތަމަ ފިލްމުކަމެެވެ. ޝަރުވާރީއާ ބޮލީވުޑަށް ނުކުތީ އެ ސްޓޫޑިއޯގެ 2021 ގެ "ބަންޓީ އޯރް ބަބްލީ 2" އިންނެވެ.
ރިޕޯޓްތައް ބުނާ ގޮތުން "އަލްފާ" ގެ ކާސްޓްގައި ބޮބީ ޑިއޯލް އާއި އަނިލް ކަޕޫރް ވެސް ހިމެނެ އެވެ. އެކަމަކު ވައިއާރްއެފުން އެކަން އަދި ކަށަވަރުކޮށެއް ނުދެ އެވެ.
އެ ސްޓޫޑިއޯގެ ސްޕައި ޔުނިވާސް އަށް ނިސްބަވްތާ ފިލްމުތަކުގެ ތެރޭގައި ސަލްމާން ޚާންގެ "ޓައިގާ" ފްރެންޒައިވާ ރިތިކް ރޯޝަންގެ "ވޯ" ގެ އިތުރުން ޝާހްރުކް ޚާންގެ "ޕަތާން" ހިމެނެ އެވެ. ރިތިކް މިހާރު އަންނަނީ އަންނަ އަހަރު ގެނެސްދޭން ހަމަޖެހިފައިވާ "ވޯ 2" ގެ މަސައްކަތް ކުރަމުންނެވެ.
އާލިއާ ދެން އެންމެ އަވަހަށް ފެންނާނީ އޮކްޓޯބަރުގައި ގެނެސްދޭ "ޖިގްރާ" އިންނެވެ. އޭނަ ސޮއިކޮޮށްފައިވާ ފިލްމުތަކުގެ ތެރޭގައި ސަންޖޭ ލީލާ ބަންސާލީގެ "ލަވް އެންށް ވޯ" ހިމެނެ އެވެ.