އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދުގެ ދަރިކަލުން އަބްދުﷲ މާހިލް ޝަހީމަށް މެލޭޝިއާގައި ރާއްޖޭގެ އެމްބަސީގެ އިސް މަގާމެއް ދީފި އެވެ.
ނަމަވެސް މިކަން ރަސްމީކޮށް ސަރުކާރުން ހާމަކޮށްފައެއް ނުވެ އެވެ.
އެކަމަކު އެނގިފައިވާ ގޮތުގައި މިދިޔަ މަހުގެ ތެރޭގައި މާހިލް އައްޔަންކުރީ އެމްބަސީގެ ތާޑް ސެކްރެޓަރީގެ މަގާމަށެވެ. އަދި އެ މަގާމުގެ މުސާރަ އާއި އިނާޔަތަށް މަހަކު 100،000ރ. ލިބެ އެވެ. ޝަހީމްގެ ދޮށީ ދަރިކަލުން މާހިލް މެލޭޝިއާގައި ދިރިއުޅުއްވާ އިރު، އޭނަ މަތީ ތައުލީމު ހާސިލުކުރެއްވީ އެ ގައުމުގެ އިންޓަނޭޝަނަލް އިސްލާމިކް ޔުނިވާސިޓީންނެވެ.
ޝަހީމްގެ ދަރިކަލުންނަަށް އެމްބަސީން މަގާމެއް ދިން އިރު، ސަރުކާރުން އަންނަނީ ހަރަދުތައް ކުޑަކުރަން ފިޔަވަޅުތަކެއް ވެސް އަޅަމުން ކަމަށް ބުނެފައިވެ އެވެ. އެގޮތުން ސިޔާސީ މަގާމުތައް ވެސް މަދުކުރަމުން އަންނަ ކަމަށް ބުނެފައިވެ އެވެ.
އިދިކޮޅު ފަރާތްތަކުން ބުނާ ގޮތުގައު ރައީސް ޑރ. މުހައްމަދު މުއިއްޒުގެ ސަރުކާރުގެ ސިޔާސީ މަގާމުތަކުގައި ތިބި މީހުންގެ އަދަދު މިހާރު 2،000 އަށް ވުރެ ގިނަ އެވެ. އެކަމަކު ސަަރުކާރު ވެރިކަމަށް އައި އިރު ބުނެފައި ވަނީ ސިޔާސީ މަގާމުތައް 700 އަށް ވުރެ އިތުރު ނުކުރާނެ ކަމަށެވެ.