ވައްކަމުގެ މައްސަލަތައް މިދިޔަ މަހު މަދު

މެއި މަހާ އަޅާބަލާ އިރު ޖޫން މަހުގެ ތެރޭގައި ހުށަހެޅި ވައްކަމާއި ފޭރުމުގެ މައްސަލަތައް މަދުކަމަށް ފުލުހުންގެ ތަފާސްހިސާބުތަކުން ދައްކައިފި އެވެ.

މިދިޔަ މަހުގެ މައްސަލަތަކާ ގުޅޭ ގޮތުން ފުލުހުން އާންމުކުރި ތަފާސްހިސާބުތަކަށް ބަލާ އިރު، ޖޫން މަހުގެ ޖުމްލަ 1،023 މައްސަލައެއް ހުށަހެޅި އެވެ. އޭގެ ތެރެއިން 315 މައްސަލަ އަކީ ވައްކަމުގެ މައްސަލަތަކެވެ. މެއި ވައްކަމުގެ 335 މައްސަލައެއް ހުށަހެޅި އެވެ.

މިދިޔަ މަހު ފުލުހުންނަށް ފޭރުމުގެ 29 މައްސަލައެއް ހުށަހެޅި އިރު، މެއި މަހު އެފަދަ 50 މައްސަލައެއް ހުށަހެޅި އެވެ.

މިދިޔަ މަހު ރިޕޯޓްކުރި އިތުރު މައްސަލަތައް:

* މަސްތުވާތަކެތީގެ މައްސަލަ: 175
* އެއްޗެހި ގެއްލުމުގެ މައްސަލަ: 77
* މުދަލަށް ގެއްލުން ދިނުމުގެ މައްސަލަ: 64
* މަކަރާއި ހީލަތުގެ މައްސަލަ: 50
* އަނިޔާ ކުރުމުގެ މައްސަލަ: 47
* ޖިންސީ ގޯނާގެ މައްސަލަ: 23
* ގެވެށި އަނިޔާ މައްސަލަ: 25
* ފޯޖް ކުރުމުގެ މައްސަލަ: 8

ދާދި ފަހުން ހޯމްލޭންޑް މިނިސްޓަރު އަލީ އިހުސާން ވިދާޅުވެފައި ވަނީ މާލޭގައި އާންމުކޮށް ވައްކަންކޮށް އުޅެނީ 45 މީހުން ކަމަށާއި އެ މީހުން 4،000 ފަހަރު ފުލުހަށް ހާޒިރު ވެސް ކޮށްފައިވާ ކަމަށެވެ.