އައްޑޫގައި ކުރިއަށްދާ މަގު ހެދުމުގެ މަޝްރޫއުގެ ދަށުން މިހާރު ހިތަދޫގެ މަގުތަކުގެ 90 ޕަސަންޓް ނިމިފައިވާ ކަމަށް ކޮންސްޓްރަކްޝަން މިނިސްޓްރީން ބުނެފި އެވެ.
އެ މިނިސްޓްރީން ބުނީ ހިތަދޫގެ 2.4 ކިލޯމީޓަރުގެ ބޮޑުމަގުގައި އެއްކޮށް އަލުންތާރު އެޅުމާއި، މަގުގެ ހިނގާދުވާރު ނިންމާލެވި އާންމުންނަށް ވެސް ވަނީ ހުޅުވާލާފައެވެ. އަދި ހިތަދޫ މަގުތަކުގައި މަގުބައްތި ހަރުކުރުމުގެ 75 ޕަސެންޓް ނިމި ހިތަދޫ ފެން ހިންދުމުގެ ނިޒާމްގެ 95 ޕަސެންޓް ވެސް ނިމިފައިވާ ކަމަށް މިނިސްޓްރީން ބުންޏެވެ
އިންޑިއާގެ އެފްކޮންސް އިންފްްރާސްޓްރަކްޗާ އިން ކުރިއަށް ގެންދާ އައްޑޫ މަގު ހެދުމުގެ މަޝްރޫއުގެ ދަށުން ހުރިހާ އަވަށެއްގައި ވެސް މަގުތައް ހެދުމުގެ މަސައްކަތް އަންނަނީ ކުރެވެމުންނެވެ. އެ މަސައްކަތް އެ ކުންފުނިން ދެ އަހަރުގެ ތެރޭގައި އެއްކޮށް ނިންމާ ގޮތަށް 2021 ގަ އެވެ.
ނަމަވެސް މަސައްކަތް ވަރަށް ބޮޑަށް ދިގުލައިގެން ގޮސްފައިވެ އެވެ.
މަގު ހެދުމުގެ މަޝްރޫއުގެ ތެރެއިން ހަންކެޑެއިގައި ވަނީ އާ ބްރިޖެއް ވެސް އަޅައިފަ އެވެ. އޭގެ 95 ޕަސެންޓް ވެސް ނިމިފައިވާ އިރު، މި މަހުގެ ތެރޭގައި އެ ބްރިޖް އާންމުކޮށް ހުޅުވައިލާނެ ކަމަށް ކޮންސްޓްރަކްޝަން މިނިސްޓްރީން ބުންޏެވެ.