އައްޑޫ ހުޅުމީދޫގައި ހުންނަ މިފްކޯގެ އައްޑޫ ފިޝަރީޒް ކޮމްޕްލެކްސް (އޭއެފްސީ) ގެ ބަނދަރުގެ ބޮޑުބައި މިހާރު ނިމިފައިވާ ކަމަށް އެތަނުން ބުނެފު އެވެ.
އެގޮތުން އެތަނުގެ 85 ޕަސެންޓް މިހާރު ނިމިފައިވާ ކަމަށް ބުންޏެވެ. އެ މަސައްކަތް ކުރިއަށް ގެންދަނީ އެމްޓީސީސީއާ ހަވާލުކޮށްގެންނެވެ. އޭއެފްސީގެ އެ މަޝްރޫއަކީ ޕީއެސްއައިޕީގެ ދަށުން 2020 ގައި އެމްޓީސީސީއާ ހަވާލުކުރި މަޝްރޫއެކެވެ. އެ ކުންފުންޏާ އެ މަޝްރޫއު ހަވާލުކުރީ 69 މިލިއަން ރުފިޔާއަށެވެ.
މަޝްރޫއުގެ ފޭސް 1 ގައި ހިމެނެނީ ނެރު ކެނޑުމާއި 90 މީޓަރުގެ އެލޯންގް ސައިޑް ޖެޓީއެއް ހެދުމެވެ.
އޭއެފްސީގެ ރީޖަނަލް މެނޭޖަރު އަހުމަދު ޝާހިދު ވިދާޅުވީ ކޮމްޕްލެކްސްެ އެކްސްޕޯޓް ޖެޓީ ޑްރެޖްކުރެވިފައި ވަނީ ބޮޑެތި ބޯޓު ފަހަރަށް ވެސް ކައިރި ކުރެވޭ ގޮތަށް ކަމަށެވެ. އެކަމަކު އެތަނުގެ މަސައްކަތް ނުނިމި ދިގުލައިގެން ދިޔައީ ޖެޓީއަށް ވަންނަ މަގު ނުކޮނެވި އޮތުމުގެ ސަބަބުން ކަމަށް ވިދާޅުވި އެވެ.
މިހާރު އެތަނުގައި ކުރަމުން އަންނަ މަސައްކަތްތަކުގެ ތެރޭގައި ޕޭވް ކުރުމާއި ލައި ޓްޖެހުމާއި ފްރީޒިން ކޮންޓެއިނާ ބޭސްމަންޓް އެޅުން ފަދަ ކަންކަން ހިމެނެ އެވެ.
ޝާހިދު ވިދާޅުވީ އެ މަސައްކަތްތައް ނިމުމުން މޯލްޑިވްސް ސްޓޭޓް ޝިޕިން (އެމްއެސްއެސް) ގެ ބޯޓު ޖެޓީ އަށް ވައްދައިގެން ކޮންޓެއިނަރު ލޯޑުކޮށްގެން މަސް ބޭރުކުރުމުގެ މަސައްކަތް ކުރެވޭނެ އިންތިޒާމް ހަމަޖެހިގެންދާނެ ކަމަށެވެ. އޭނަ ވިދާޅުވީ ޖެޓީ އެއްކޮށް ނިމުމުން މިފްކޯގެ މަދާ ވެސެލްތަކަށް ވެސް ފަސޭހަކަމާއެކު ވަދެ މަސް ލޯޑު ކުރުމާއި އަންލޯޑުކުރުމުގެ ޕްރޮސެސް ބާރަށް ކުރިއަށް ގެންދެވޭނެ ކަމަށެވެ
އޭއެފްސީން ބުނީ ޖެޓީ ނިމުމުން މަސް އެކްސްޓްޕޯޓް ކުރުމަށް ބޮޑު ކުރިއެރުމެއް އަންނާނެ ކަމަށެވެ.