މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ނައިބު ރައީސް ކަމަށް މަޖިލީހުގެ ތުޅާދޫ ދާއިރާގެ ކުރީގެ މެންބަރު ހިސާން ހުސައިންގެ ނަން ހުށަހަޅައިފިއެވެ.
އެމްޑީޕީގެ ރައީސް އަބްދުﷲ ޝާހިދު އެކްސްގައި ކުރެއްވި ޕޯސްޓެއްގައި ވިދާޅުވީ އެމްޑީޕީގެ ނައިބު ރައީސްގެ މަގާމަށް މަޖިލީހުގެ ތުޅާދޫ ދާއިރާގެ ކުރީގެ މެމްބަރު އަދި އެމްޑީޕީގެ ލީގަލް ޑިރެކްޓަރު ހިސާން ހުސައިން އައްޔަން ކުރުމަށް ގަސްތުކޮށް، އެކަމަނާ އެ މާގާމަށް އައްޔަނު ކުރުމަށް ޤައުމީ މަޖިލީހުގެ ރުހުން އޮތްތޯ ބެލުމަށް އަސާސީ ގަވާއިދުގައި ވާގޮތުގެމަތިން މިއަދު ހުށަހަޅާފައިވާ ކަމަށެވެ.
ޝާޙިދު ވިދާޅުވީ ހިސާން އެމްޑީޕީއަށާއި ޕާޓީގެ މެންބަރުންނަށް ކޮށްދެއްވާފައިވާ އިޙްލާސްތެރި ގިނަގުނަ ޚިދުމަތްތަކަށް ބަލާއިރު، ހިސާންއަކީ މި މަޤާމަށް އެންމެ އެކަށީގެންވާ ބޭފުޅެއްކަމަށް ދެކޭ ކަމަށެވެ.
މީގެއިތުރުން ޝާހިދު ވިދާޅުވީ އެމްޑީޕީގެ ލީޑަޝިޕްގައި މިވަގުތު އަންހެން ބޭފުޅުން މަދުކަމާއެކު މި ނިންމުމުގައި އެކަމަށްވެސް ވިސްނުން ބަހައްޓާފައިވާނެ ކަމަށެވެ.
I am grateful for the nomination by @MDPSecretariat Raees @abdulla_shahid. It is with deep honor that I accept this nomination, and I pledge to continue serving the Party with sincerity and unwavering dedication. I kindly ask for the approval and support of all members of MDP… https://t.co/FLpV1tRAev
— Hisaan 🎈؟ (@hisaanhussain) July 8, 2024
ޝާހިދުގެ މި ހުށަހެޅުއްވުން ހިސާން ވަނި ގަބޫލުކުރައްވާފައެވެ. އަދި އޭނާގެ ނަން ނައިބުރައީސް ކަމަށް ހުށަހެޅީތީ އެކަމަށް ޝުކުރު އަދާކުރައްވާފައިވެއެވެ.
ހިސާން ވިދާޅުވީ އޭނާ އެމްޑީޕީއަށް ހިދުމަތް ކުރުމުގައި ދެމި ހުންނާނެ ކަމަށާއި އޭނާ އެ މަގާމަށް އައްޔަނު ކުރުމުގައި ގައުމީ މަޖިލީހުގެ މެންބަރުންގެ ތާއީދަށް އެދޭ ކަމަށެވެ.