އައްޑޫ އިކްއެޓޯރިއަލް ހޮސްޕިޓަލް އޭއީއެޗް) ގެ އެކްސްރޭ މެޝިނަށް ދިމާވެފައިވާ ޓެކްނިކަލް މައްސަލައެއްގެ ސަބަބުން، ޢާންމު އެކްސްރޭގެ ޚިދުމަތް ވަގުތީ ގޮތުން މެދުކަނޑާލައިފި އެވެ.
އެ ހޮސްޕިޓަލުން މިއަދު ބުނީ މިކަމާ ގުޅިގެން ޚިދުމަތް ވީ އެންމެ އަވަހަކަށް އަލުން ފެށުމަށްޓަކައި މަސައްކަތް ކުރަމުން އަންނަ ކަމަށެވެ.
"ނަމަވެސް، އިމަޖެންސީ އެކްސްރޭގެ ޚިދުމަތް މެދުނުކެނޑި ފޯރުކޮށް ދެވޭނެ އިންތިޒާމު ހަމަޖެހިފައިވާކަން ދަންނަވަން" ހޮސްޕިޓަލުން ބުންޏެވެ.
އޭއީއެޗުން ބުނީ އެކްސްރޭގެ ހިދުމަތް ވަގުތީ ގޮތުން މެދުކެނޑުމުގެ ސަބަބުން ޚިދުމަތް ބޭނުންވާ ފަރާތްތަކަށް ކުރިމަތިވެދާނެ ދަތިތަކަށް މަޢާފަށް އެދޭ ކަމަށެވެ.
"އަޅުގަނޑުމެންގެ އަމާޒަކީ ވީ އެންމެ އަވަހަކަށް މި ޚިދުމަތް އަލުން ފެށުން." ހޮސްޕިޓަލުން ބުންޏެވެ.