ނޫސްވެރިން އެކްރެޑިޓް ކުރުމަށް މޯލްޑިވްސް ބްރޯޑްކާސްޓިން ކޮމިޝަނުން އުސޫލެއް ހަދައިފިއެވެ.
ބްރޯޑްކޮމް އިން ނެރުނު ބަޔާނެއްގައި ބުނީ ނޫސްވެރިން އެކްރެޑިޓް ކުރުމުގެ މަގުސަދަކީ ފެންވަރު ރަނގަޅު ޚިދުމަތެއް ފޯރުކޮށް ދިނުމަށް ބާރު އެޅުމާއި ނޫސްވެރިންގެ ތައުލީމާއި ތަޖުރިބާ ކަނޑައެޅުން ކަމަށެވެ.
އުސޫލުގެ ދަށުން ބްރޯޑްކާސްޓިން ދާއިރާގައި މަސައްކަތްކުރާ ނޫސްވެރިންގެ ދަފުތަރެއް އެކުލަވައިލުމާއި އެ ދާއިރާގައި މަސައްކަތްކުރާ ނޫސްވެރިންނަށް ފާސްދޫކުރުމަކީ ވެސް ނޫސްވެރިން އެކްރެޑިޓް ކުރުމުގެ މަގުސަދެއް ކަމަށް ބްރޯޑްކޮމް އިން ބުންޏެވެ.
އެ ކޮމިޝަނިުން ބުނީ ފާސް ދޫކުރާނީ ބްރޯޑްކާސްޓިން އަދި ކޮމިއުނިކޭޝަން ދާއިރާ އާއި ދާއިރާއާ ގުޅުން ހުރި އެހެނިހެން ދާއިރާތަކުން ދަށްވެގެން އެމްކިއުއޭ ލެވެލް ތިނެއްގެ ސެޓްފިކެޓެއް ހާސިލް ކޮށްފައިވާ ފަރާތްތަކަށް ކަމަށެވެ. އަދި އެ ދާއިރާއިން މަދުވެގެން ތިން އަހަރު ދުވަހުގެ ތަޖުރިބާ ލިބިފައިވާ ފަރާތަކަށެވެ.
ފާސް ހޯދަން ހާއްސަ ތަމްރީން ޕްރޮގްރާމެއް ވެސް ހަދަން ޖެހޭ ކަމަށް އެ އުސޫލުގައިވެ އެވެ.
* ބްރޯޑްކާސްޓްކުރުމުގެ ކޯޑް އޮފް ޕްރެކްޓިސް (ސުލޫކީ މިންގަނޑު)
* ބްރޯޑްކާސްޓްކުރާއިރު ކުޑަކުދިން ހިމާޔަތްކުރުމުގައި އަމަލުކުރަންވީ ގޮތް
* ބްރޯޑްކާސްޓްކުރުމުގައި އަންހެނުންގެ ހައްގުތައް ހިމާޔަތް ކުރުމުގައި އަމަލުކުރަންވީ ގޮތް
* ގުދުރަތީ ކާރިސާތަކާއި ހިތާމަވެރި ހާދިސާތައް ކަވަރުކުރުމުގައި އަމަލުކުރަންވީ ގޮތް
* މުޒާހަރާއާއި ހަލަބޮލި ހާލަތްތައް ކަވަރުކުރުމުގެ ގައިޑްލައިން
* އިންތިހާބުގެ ދުވަސްވަރު ސިޔާސީ ކޮންޓެންޓް ބްރޯޑްކާސްޓްކުރުމުގެ ގައިޑްލައިން
ބްރޯޑްކޮމް އިން ބުނީ މި ދާއިރާތަކަށް އަހުލުވެރިވެފައިވާ މިންވަރު ވަޒަން ކުރުމަށް ހަދާ ކޯހުގައި ބައިވެރިވުމަށް 100ރ. ގެ ފީއެއް ދައްކަން ޖެހޭނެ ކަމަށެވެ. އަދި މި ކާޑު ދޫކުރާނީ ފަސް އަހަރަށެވެ.