ސަރުކާރު ހިއްސާވާ ކުންފުނިތަކުގެ ބޯޑުތަކުގައި ހިމެނޭ އެކައުންޓިން އެންޑް ފައިނޭންސް ޑިރެކްޓަރުންގެ ޕޫލެއް އެކުލަވައިލަބް ނިންމުމާ ގުޅިގެން އެ ޕޫލަށް މީހުން ހޯދަން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން އިއުލާންކޮށްފި އެވެ.
އެތަނުން މިއަދު ނެރުނު ނެރުނު އިއުލާނެއްގައި ކުންފުނިތަކުގެ ނަން-އެގްޒެކެޓިވް ޑިރެކްޓަރުންނަށްވާން ކުރިމަތިލުމުގެ ފުރުސަތު މި މަހުގެ 15 އާ ހަމައަށް ހުޅުވާލާފައިވާ ކަމަށެވެ. ޝަރުތުތަކުގެ ތެރޭގައި މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ފެންވަރު ކަނޑައަޅާފައިވާ އިންޓަނޭޝަނަލް ފެޑަރޭޝަން އޮފް އެކައުންޓިން (އައިއެފްއޭސީ) އިން ޤަބޫލުކުރާ ޕްރޮފެޝަނަލް އެކައުންޓިން ބޮޑީއެއްގެ މެންބަރަކަށްވުން ހިމެނެ އެވެ.
އެކައުންޓިން އެންޑް ފައިނޭންސް ޑިރެކްޓަރުންގެ މައިގަނޑު މަސްއޫލިއްޔަތުތަކަކީ ކުންފުނީގެ ޤާނޫނާއި، އައްޔަންކުރެވޭ ކުންފުނީގެ އާޓިކަލް އޮފް އެސޯސިއޭޝަން އަދި ކޯޕަރޭޓް ގަވަނެންސް ކޯޑުގައި ބަޔާންކޮށްފައިވާ މަސްޢޫލިއްޔަތާއި ޒިންމާތައް އަދާކުރުމެވެ.
ޕީސީބީން ބުނީ ޑިރެކްޓަރުންގެ ޕޫލަށް ކުރިމަތިލާ މީހުން ތަރުތީބުކުރާނީ މައިގަނޑު ފަސް ކަމަކަށް ބަލައި ދެވޭ މާކްސް އަށް ބުނާކޮށް ކަމަށެވެ. އެގޮތުން ތަޢުލީމީ ފެންވަރަށް 20 ޕަސެންޓް، ތަޖުރިބާ، ފައިނޭންސް/އެކައުންޓިން ދާއިރާގެ ތަޖުރިބާ 20 ޕަސެންޓް ގުޅުންހުރި ތަމްރީނުތައް އަދި އިންޓަވިއު އިން 40 ޕަސެންޓެވެ.