ކެނަބިސް ޓްރެފިކްކުރި މައްސަލައަކާ ގުޅިގެން އައްޑޫ ހިތަދޫ މުހައްމަދު އުބާދަތު ހުސައިން ހޯދަން ފުލުހުން ހަތަރު ވަަނަ ފަހަރަށް އިއިލާންކޮށްފި އެވެ.
ހިތަދޫ ހަޒާރުމާގޭ އުބާދަތު، 29، ހޯދަން ފުލުުހުން ފުރަތަމަ އިއުލާންކުރީ މެއި މަހުގެ 12 ގަ އެވެ. އޭގެ ފަހުން މިދިޔަ މަހުގެ 2 ވަނަ ދުވަހު ވެސް އޭނަ ހޯދަން އިއުލާންކުރުމަށް ފަހު ތިން ވަނަ އިއުލާންކުރީ މިދިޔަ މަހުގެ 22 ގަ އެވެ. އަދި ހަތަރު ވަނަ ފަހަރަށް އިއުލާންކުރީ މިއަދެވެ.
ފުލުހުން ބުނީ އުބާދަތު ހޯދަނީ ކްރިމިނަލް ކޯޓަށް ހުށަހަޅާފައިވާ ކެނެބިސް ޓްރެފިކް ކުރުމުގެ މައްސަލައަކާ ގުޅިގެން ކޯޓަށް ހާޒިރުކުރުމަށް ބޭނުންވެ ހާޒިރުކުރެވިފައި ނުވާތީ، ބަންދުގައި ބަހައްޓައިގެން އުބާދަތު މި މަހުގެ 17 ވަނަ ދުވަހުގެ ހެނދުނު 11:00 އަށް ކޯޓަށް ހާޒިރުކޮށް ދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން ކަމަށެވެ.
އެހެންވެ އޭނައާ ބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި ހިއްސާކޮށް ދޭން ފުލުހުން އެދިފައިވެ އެވެ.