ސައިކަލްތައް ދެން ރަޖިސްޓްރީ ކުރެވޭނީ އެ ކައުންސިލެއް ނިސްބަތްވާ ޒޯނަކަށް ކަމަށް ޓްރާންސްޕޯޓް މިނިސްޓްރީން ބުނެފި އެވެ.
މި އުސޫލަށް އަމަލު ކުރަން ފެށީ މި މަހުގެ 8 އިން ފެށިގެންނެވެ.
މީގެ ކުރިން ކައުންސިލްތަކަށް ބޭނުން ޒޯނަކަށް ސައިކަލްތައް ރަޖިސްޓްރީ ކުރުމުގެ ހުއްދަ އޮވެ އެވެ.
އިންޖީނުލީ އުޅަނދު ރަޖިސްޓްރީކުރުމުގެ ގަވާއިދުގެ 11 ވަނަ މާއްދާގައި ރާއްޖޭގައި ދުއްވާ އެއްގަމު އުޅަނދު ރަޖިސްޓްރީކޮށް ދޭނެ ޒޯންތައް ކަނޑައަޅާފައިވެ އެވެ.ގަވާއިދުގައި އެހެން އޮތް ނަމަވެސް ޓްރާންޕޯޓް މިނިސްޓްރީން އިޙްތިޔާރު ދީފައިވާ ވެހިކަލްތަކަށް ޚާއްސަ ހުއްދައެއްގެ ދަށުން ރަޖިސްޓްރީކޮށްފައިވާ ޒޯން ނޫން އެހެން ޒޯނެއްގައި ދުއްވެ އެވެ. އަދި އެ ހުއްދަ ނުހޯދައި އެހެން ޒޯނެއްގައި ދުއްވުމަކީ މަނާކަމެކެވެ.
މިކަމަށް ރާއްޖޭފައި ހާއްސަ ތިން ޒޯނެއް އޮވެ އެވެ. އެގޮތުން ޒޯން އޭގައި ހިމެނެނީ މާލެ ސަރަހައްދެވެ. ޒޯން ބީގައި ހިމެނެނީ ހއ، ހދ، ލ، ގއ، ގދ، ޏ އަދި އައްޑު އެވެ. ޒޯން ސީގައި ހިމެނެނީ ށ، ނ، ރ، ބ، ޅ، ކ، އއ، އދ، ވ، މ، ފ، ދ އަދި ތ. އަތޮޅުގެ ރަށްތަކެވެ.