މިހާރު އައިޑީ ކާޑު ހައްދަން ހުށަހަޅާތާ 24 ގަޑިއިރުގެ ތެރޭގައި ކާޑު ލިބޭނެ އިންތިޒާމު ހަމަޖައްސާފައިވާ ކަމަށް ޑިޕާޓްމަންޓް އޮފް ނެޝަނަލް ރެޖިސްޓްރޭޝަން ޑީއެންއާރް) އިން ބުނެފި އެވެ.
ހޯމްލޭންޑް މިނިސްޓްރީގެ ދަށުން ހިންގަމުން އަންނަ ޑީއެންއާރްގެ މަސައްކަތްތަކާ މިހާރު އިސްކޮށް ހަވާލުވެވަޑައިގެން ހުންނެވި މިނިސްޓްރީގެ ޑެޕިއުޓީ އަޙްމަދު އާލީ ވިދާޅުވީ މި ސަރުކާރު އައި ފަހުން ޑީއެންއާރްގެ މަސައްކަތްތައް ހަރުދަނާކޮށް، އެތަނުގެ ހިދުމަތްތައް އަވަސްކުރަން މުހިއްމު ގިނަ ފިޔަވަޅުތަކެއް އަޅާފައިވާ ކަމަށެވެ.
އެގޮތުން ކުރެވުނު މަސައްކަތުގެ ތެރެއިން މި ސަރުކާރު އައި އިރު ވެންބަރު، 17 2023 ވަނަ ދުވަހާ ހަމައަށް އޮތް 3،348 އައިޑީ ކާޑުގެ ބެކްލޮގް މުޅިން ކްލިއާކޮށްފައިވާ ކަމަށް ވިދާޅުވި އެއެވެ.
"އަހަރެމެން މުޅި ޓީމްގެ އަމާޒަކަށް ދެން ހެދީ 24 ގަޑިއިރުގެ ތެރޭގައި އައިޑީ ކާޑް އަތަށް ދޭން. ގޭގައި ތިބެ އޮންލައިންކޮށް އެޕްލައިކޮށްގެން މިހާރު އައިޑީ ކާޑް ފަސޭހަ ކަމާއެކު ހައްދާލެވޭނެ." އާލީ ވިދާޅުވި އެވެ.
ޑީއެންއާރުން މިހާރު އަންނަނީ އައިޑީ ކާޑާ ގުޅޭ ހިދުމަތްތައް ދުވަސްވީ މީހުންނަށް ފަސޭހަކޮށް ދިނުމުގެ ގޮތުން މި މަ މަހުގެ 18 ގައި ޚާއްސަ ޕޯޓަލްއެއް ތައާރަފުކުރަން ވެސް ތައްޔާރުވަމުންނެވެ. އެ ޕޯޓަލް މެދުވެރިކޮށް، ކައުންސިލްތަކަށް އައިޑީ ކާޑްގެ ސްޓޭޓަސް ބެލުމާއި އެޕްލިކޭޝަންތައް ބަލައިގަތުމަށް އިތުރު ލުއިތަކެއް ލިބިގެންދާނެ އެވެ.
އާލީ ވިދާޅުވީ އެ ޕޯޓަލް އަހުލުވެރި ކުރަން ކު ކައުންސިލްތަކަށް ޓްރެނިން ސެޝަންތަ ކަމަށެވެ. އޭނަ ވިދާޅުވީ މިކަން ވާނީ ކައުންސިލްތަކާ އެކީ ޑީއެންއާރުން ބާއްވާ ގުޅުން އިތުރަށް ބަދަހި ވެސް ވާނެ ކަމަކަށެވެ.
"ޓްރެއިނިން ސެޝަންތަކުގައި މިއީ އައިޑީ ކާޑް އެޕްލިކޭޝަނާއި ސްޓެޓަސް ބަލާނެ ގޮތާއި އެހެން ވެސް މިފަދަ ކަންކަން ދަސްކޮށް ދެވޭނެ." އާލީ ވިދާޅުވި އެވެ.
މިހާރު ޑީއެންއާރުގެ ސިސްޓަމް އެތުރިފައިވާ ގޮތުން ހުރިހާ އައިޑީ ކާޑެއް ވެސް ޕްރިންޓް ކުރަމުން އަންނަނީ މާލޭގަ އެވެ.
"މިހާރު މި އޮންނަ އުސޫލަކީ ކޮންމެ ހަފުތާއަކު ދެ ފަހަރު މާލެއިން އަތޮޅު ތެރެއަށް ކާޑުތައް މި ޑިސްޓްރިބިއުޓް ކުރަނީ. އެގޮތަށް ކަންތައް ކުރުމުން އެބަ ދިމާވޭ، ލަސްތަކެއް." އާލީ ވިދާޅުވި އެވެ.
އެހެންވެ ކައުންސިލްތަކުން އައިޑީ ކާޑް ޕްރިންޓްކޮށް، ޑިސްޓްރިބިއުޓް ކުރެވޭނެ ނިޒާމެއް ގާއިމުކުރުމުގެ މަސައްކަތް ވެސް ކުރިއަށްދާ ކަމަށް ވިދާޅުވި އެވެ.