އަރަބި ބަހުން ހުރި ދީނީ ފޮތްތަކެއް ދިވެހިބަ ހަށް ތަރުޖަމާކޮށްދޭނެ ބަޔަކު ހޯދަން އިސްލާމިކް މިނިސްޓްރީން އިއުލާންކޮށްފި އެވެ.
މިކަން ހުޅުވައިލީ ވިޔަފާރި ރަޖިސްޓްރީކުރުމުގެ ގާނޫނުގެ ދަށުން ވިޔަފާރި ރަޖިސްޓްރީކޮށްފައިވާ ކުދި އަދި މެދު ފަންތީގެ ވިޔަފާރިތަކަށާއި އެ ގާނޫނުގެ ދަށުން ރަޖިސްޓްރީކުރަން ނުޖެހޭ އަމިއްލަ ފަރުދުންނާއި އިލްމީ މުއައްސަސާތަކަށް ވެސް ބައިވެރިވެވޭ ގޮތަށެވެ.
މި ކަމާ ގުޅޭ ގޮތުން މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ ދިވެހި ބަހަށް ތަރުޖަމާ ކުރަން ބޭނުން ވަނީ އިސްލާމީ ޝަރީއަތާއި އިސްލާމިކް ސްޓަޑީސްގެ ދާއިރާއިންނާއި އަދި ފަނޑިޔާރުންނާއި ގާނޫނީ ވަކީލުންނާއި ދީނީ ދާއިރާތަކުން ކިޔަވަމުން އަންނަ ދަރިވަރުންނަށް ބޭނުންވާ އިސްލާމީ ޢިލްމުގެ ވަރަށް މުހިންމު ފޮތްތަކެއް ކަމަށެވެ.
އެގޮތުން މިއީ އެފަދަ ފޮތްތަކެއް ތަރުޖަމާ ކުރަން ފެށި ބޮޑު މަޝްރޫއެއްގެ ބައެއް ކަމަށް ވިދާޅުވި އެވެ.
ފޮތްތައް ތަރުޖަމާކޮށް ދޭން ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލާފައި ވަނީ މި މަހުގެ 18 އާ ހަމައަށެވެ. މި ބީލަމުގައި ބައިވެރިވާން ބޭނުންވާ ފަރާތްތަކުން މި މަހުގެ 13 ވަނަ ދުވަހުގެ މެންދުރު ފަހު 3:00 ގެ ކުރިން ލި ލިންކް މެދުވެރިކޮށް ރަޖިސްޓްރީވާން ޖެހެ އެވެ.