ބޮލީވުޑްގެ މަޝްހޫރު ފިލްމީ ތަރި އަކްޝޭ ކުމާރު ކޮވިޑް-19 އަށް ޕޮޒިޓިވްވެއްޖެ އެެވެެ.
މިއީ އޭނަ އަށް އެ ބަލި ޖެހުނު ތިން ވަނަ ފަހަރެވެ. އަކްޝޭ އަށް އެންމެ ފުރަތަމަ ކޮވިޑް މި ބަލި އެންމެ ބޮޑަށް ފެތުރުނު ދުވަސްވަރުގެ ތެރޭގައި 2021 އެޕްރީލް މަހުގެ ތެރޭގަ އެވެ. އޭގެ ފަހުން 2022 ގެ މެއި މަހުގެ ތެރގައި ވެސް ބައްޔަށް ޕޮޒިޓިވްވި އެވެ.
އަކްޝޭ އަށް މިއަދު ކޮވިޑަށް ޕޮޒިޓްވުމާ ގުޅިގެން މުމްބާއީގައި މިއަދު ވަރަށް ކުލަގަދަކޮށް ބާއްވާ މަހުޖަނު، މުކޭޝް އަމްބާނީގެ ހަގު ދަރިފުޅު އާނަންތު އަމްބާނީގެ ކައިވެނި ހަފުލާގައި ބައިވެރިވުމުގެ ފުރުސަތު ވެސް މި ވަނީ ގެއްލިފަ އެވެ. މުމްބާއީގެ ޖިއޯ ވޯލްޑް ކޮންވެންޝަން ސެންޓަރުގައި ބާއްވާ އެ ހަފުލާފައި ބޮލީވުޑްގެ ވަރަށް ގިނަ ބަޔަކު ބައިވެރިވެ އެވެ.
އަކްޝޭ އަށް އަށް ތިން ވަނަ ފަހަރަށް ކޮވިޑް ޖެހުމާ ގުޅިގެން މިއަދު ސިނަމާތަކަށް ގެނައި އޭނަގެ އެންމެ ފަހުގެ ފިލްމު "ސަރުފީރާ" ގެ ޕްރޮމޯޝަންތަކުގައި ބައިވެރިވުމުގެ ދޮރު ވެސް ވަނީ ބަންދުވެފަ އެވެ.