ސަރުކާރުގެ އެކި ހިދުމަތްތަކަށް ފައިސާ ދައްކަން ބޭނުންކުރާ ރަސްމީ ޕޯޓަލް "ބަނޑޭރި ޕޭ" އަށް އުރީދޫ މޯލްޑިވްސްގެ ޑިޖިޓަލް ވޮލެޓް، އެމް-ފައިސާ ތައާރަފުކޮށްފި އެވެ.
އުރީދޫން ބުނީ، ބަނޑޭރި ޕޯޓަލަށް އެމް-ފައިސާގެ ހިދުމަތް ތައާރަފުވުމަކީ ފައިސާގެ މުއާމަލާތްތައް ޑިޖިޓައިޒްކޮށް ރާއްޖޭގެ އެކި ކަންކޮޅުތަކުގައި ދިރިއުޅޭ ރައްޔިތުންނަށް ލިބޭނެ ވަރަށް ބޮޑު ލުޔަކަށް ވާނެ ކަމަށެވެ. އެގޮތުން ސަރުކާރުގެ ހިދުމަތްތަކަށް ފައިސާގެ މުއާމަލާތްތައް ކުރިއަށް ގެންދިއުމުގައި މެދުކެނޑުމެއް ނެތި، ރައްކާތެރި އަދި ހަރުދަނާ ގޮތްތަކެއް ކަސްޓަމަރުންނަށް ތަޖުރިބާ ކުރެވޭނެ ކަމަށް ވެސް އެ ކުންފުނިން ބުންޏެވެ.
އުރީދޫ މޯލްޑިވްސްގެ ސީއީއޯ ހާލިދު އަލް ހަމާދީ ވިދާޅުވި ގޮތުގައި އެމް-ފައިސާ ބަނޑޭރި ޕޭއަށް ތައާރަފު ކުރުމަށް ސަރުކާރާ ގުޅިގެން މަސައްކަތް ކުރުމަކީ ލިބުނު ވަރަށް ބޮޑު ފަހުރެކެވެ. އަދި އެކަން ފަހިވުމަކީ ޓެކްނޮލޮޖީގެ ބޭނުން ހިފައިގެން ކަސްޓަމަރުންގެ ދިރިއުޅުން ކުރިއަރުވަން ކުރާ މަސައްކަތުގެ ހެއްކެއް ކަމަށް ވިދާޅުވި އެވެ.
އެމް-ފައިސާ އިން ލިބޭ ހިދުމަތްތަކުގެ ތެރޭގައި:
* އަވަސް އަދި ފަސޭހަ ޕޭމަންޓް: ފިޒިކަލް ކޭޝް ނުވަތަ ދިގު ޕްރޮސެސްތަކެއް ބޭނުން ނުކޮށް ސަރުކާރުގެ ހިދުމަތްތަކަށް ވަގުތުން ފައިސާ ދެއްކުން
*ސެކިއުރިޓީ އިތުރުކުރުން: ކޮންމެ މުއާމަލާތެއް ވެސް ހިމާޔަތްކުރާ އެންމެ ޒަމާނީ ސަލާމަތީ ފިޔަވަޅުތަކާއެކު ނަފްސުގެ ހަމަޖެހުން ހޯދުން
* 24/7 މެދުނުކެނޑޭ ހިދުމަތް: އެމް-ފައިސާ ބޭނުންކުރުން ކޮންމެ ވަގުތަކު، ކޮންމެ ތަނެއްގައި ވެސް، މެދުކެނޑުމެއް ނެތި ހިދުމަތް ކަށަވަރުކުރުން