އައްޑޫ ސިޓީ ހިތަދޫ ވަލުތެރޭ ރޯވި އަލިފާން އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނުން ނިއްވާލައިފިއެވެ.
އެމްއެންޑީއެފްއިން ބުނެފައިވަނީ ހިތަދޫ، ސީޝެލްސް ރެސްޓޯރެންޓް ކުރިމަތީ ވަލުތެރޭ އަލިފާން ރޯވިކަމަށް ރިޕޯޓް ލިބުނީ ރޭ 21:08 ހާއިރު ކަމަށެވެ.
މި ރިޕޯޓު ހިތަދޫ ފަޔަރ ސްޓޭޝަނަށް ލިބުމާއެކު، އެ ފަޔަރ ސްޓޭޝަނުގެ ފަޔަރ ފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާ ކަމަށް އެމްއެންޑީއެފްއިން ބުނެފައިވެއެވެ. އެގޮތުން، ފަޔަރ ފައިޓަރުން ކުރި މަސައްކަތުން ވަލުތެރޭ ރޯވި އަލިފާން ނިއްވާލެވުނީ ރޭ 21:58 ހާއިރު ކަމަށް އެމްއެންޑީއެފްއިން މައުލޫމާތު ދީފައިވެއެވެ.
މި ހާދިސާގައި އެއްވެސް މީހަކަށް އަނިޔާއެއް ވިކަމުގެ ރިޕޯޓު ލިބިފައި ނުވާކަމަށްވެސް ސިފައިން ބުނެފައިވެއެވެ.