އަންނަ މަހު ބެލުންތެރިންނަށް ގެނެސްދޭން ނިންމާފައިވާ ފިލްމު "ކަމަނާ" ގައި ބަތަލާ މަރިޔަމް އައްޒަ ފެންނާނެ ގޮތުގެ ފަސްޓްލުކް ޕޯސްޓަރެއް އާންމުކޮށްފި އެވެ.
ގެވެށިއަނިޔާގެ ހަގީގީ ހާދިސާތަކެއްގެ މައްޗަށް ބިނާކޮށް ހަދާފައިވާ ފިލްމުގައި އައްޒަ ކުޅެފައި ވަނީ ޓައިޓްލް ރޯލެވެ. މަހުދީ އަހުމަދުގެ ސްކްރީންޕްލޭއަކަށް ހުސައިން މުނައްވަރު ޑަައިރެކްޓްކޮށްފައިވާ ފިލްމުގެ ލީޑް ކާސްޓްގައި ހިމެނެނީ އައްޒަގެ އިތުރުން މަޝްހޫރު އެކްޓަރު ޔޫސުފް ޝަފީއު (ޔޫއްޕެ) އާއި އަރަމުން އަންނަ ޒުވާން ބަތަލާ އައިމިނަތު ރަޝްފާ (އާޝާ) އެވެ.
އަންނަ މަހުގެ 27 ގައި އޮލިމްޕަހަށް ގެންނަން ތާވަލުކޮށްފައިވާ ފިލްމުގެ އިތުރު ކާސްޓުންގެ ތެރޭގައި މުހައްމަދު ރަޝީދު (ދަރާ) އާއު ނަތާޝާ ޖަލީލު އަދި މުހައްމަދު މަނިކު ވެސް ހިމެނެ އެވެ.
"ކަމަނާ" އަކީ ހުސައިން މުނައްވަރުގެ ހައުސް ކިޑް ޕްރޮޑަކްޝަނާއި ޕްރޮޑިއުސަރު އަލީ ޝާނީޒްގެ ސެޓާން ސްޓޫ ގުޅިގެން ގެނެސްދޭ ފިލްމެކެވެ.