މީޑިއާ މައުރަޒެއް ބާއްވަަން އިސްލާމިކް މިނިސްޓްރީން ނިންމައިފި އެވެ.
އެ މިނިސްޓްރީން ބުނީ މި އިވެންޓް އޮންނާނީ މި މަހުގެ 21 ގައި އިސްލާމީ މަރުކަޒުގެ ޖަލްސާކުރާ ހޯލްގައި ކަމަށެވެ.
މީޑިއާ މައުޒަރާ ބެހޭ ގޮތުން އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސަޢީދު ވިދާޅުވީ، މި މައުރަޒަކީ ރައީސް ޑރ. މުޙައްމަދު މުޢިއްޒު ދިވެހި ޤައުމުގެ ރިޔާސަޔާ ޙަވާލުވެވަޑައިގަތްތާ އަށް މަސް ފުރޭ މުނާސަބަތާ ގުޅިގެން، އެ މަނިކުފާނުގެ ރިޔާސީ މެނިފެސްޓޯގައިވާ ކަންތައްތަކުގެ ތެރެއިން އިސްލާމީ ދާއިރާއިން މިހައި ތަނަށް ހާސިލުކުރެވިފައިވާ ކަންކަން މީޑިއާއާ ޙިއްސާ ކުރުމަށް ބާއްވާ މައުރަޒެއް ކަމަށެވެ.
އެގޮތުން މި ސަރުކާރު އައި ފަހުން މިނިސްޓްރީ އަށް ތަނަށް ކުރެވިފައިވާ މަސައްކަތްތަކާ ގުޅޭ ތަފުސީލީ މަޢުލޫމާތު މައުރަޒު މެދުވެރިކޮށް މީޑިއާތަކަށް ލިބޭނެ ކަމަށް މިނިސްޓަރު ވިދާޅުވި އެވެ.