ޖަޕާނުން ދިވެހި ފުލުހުންނަށް ވެހިކަލްތަކެއް ހަދިޔާކޮށްފި އެވެ.
ޖަޕާނު ސަރުކާރުން ހަދިޔާކުރި ތަކެތީގެ ތެރޭގައި ހިމެނެނީ 54 ޕޮލިސް ކާރާއި، ހަތަރު ޓޮޔޯޓާ ވޭނެވެ. އެ ތަކެތީގެ އަގު 4 މިލިއަން ޑޮލަރަށް އަރަ އެވެ.
ޕޮލިސް ކޮމިޝަނަރު އަލީ ޝުޖާއު ވިދާޅުވީ ޖަޕާނުން ވެހިކަލްތަކުގެ ސަބަބުން މަގުމަތީގެ އަމާންކަމާއި ރައްކާތެރިކަމަށްޓަކައި ފުލުހުން ކުރާ މަސައްކަތްތަކަށް އިތުރު ކުރިއެރުން އަންނާނެ ކަމަށެވެ.
"އަތޮޅުތެރެ އާއި މާލޭގައި ކުށްކުރުން އިތުރު ވަމުން އަންނައިރު، އޮޕަރޭޝަންތައް ހިންގުމަށް ފުލުހުންގެ ޤާބިލްކަން އިތުރުކުރުން މުހިންމު،" އޭނަ ވިދާޅުވި އެވެ. "ފުލުހުންނަށް ރަނގަޅު ވަޞީލަތްތައް ފޯރުކޮށް ދެވިގެން ދިއުމުން، ސަލާމަތާއި ރައްކާތެރިކަން ކަށަވަރުކުރުމުގެ މަސައްކަތަށް އިތުބަރާއި ޔަޤީންކަން ލިބިގެން ދާނެ."
މީގެ ކުރިން ވެސް ޖަޕާނު ސަރުކާރުން ދިވެހި ފުލުހުންގެ ޚިދުމަތުގެ އެކި ދާއިރާތަކަށް ބޭނުންވާ ވަސީލަތްތައް ހަދިޔާކޮށްފައިވެ އެވެ. އެ ތަކެތީގެ ތެރޭގައި އެއްގަމު އުޅަނދާއި ކަނޑު އުޅަނދުގެ އިތުރުން ޑްރަގް ފީލްޑް ޓެސްޓު ކިޓް ޕްރިކަސަ ފީލްޑް ޓެސްޓު ކިޓް އަދި ރަމަން ހޭންޑްހެލްޑް ފީލްޑް އައިޑެންޓިފިކޭޝަން ކިޓު ހިމެނެ އެވެ.