ރާއްޖޭގެ މަޝްހޫރު ލަވަކިއުންތެރިންއާ މީރާ މުހައްމަދު މާޖިދްގެ ބަރަަހަނާ ފޮޓޯތަކެއް ލީކްވެ، އެއީ އަސްލު ފޮޓޯ ތަކެއްތޯ ބެލުމަށް ފުލުހުން ތަހްގީގު ކުރަމުންދާކަމަށް އަޑު ފެތުރުނެވެ. ދުވަސްކޮޅެއް ވަންދެން އެވާހަކަ މީޑިއާ ތަކުގައި ދެކުވުމަށްފަހު މަޑު ޖެހިފައި ވަނިކޮށް އަނެއްކާވެސް މިވަނީ އެވާހަކަ އަލުން ފެންމަތިވެެފައެވެ.
އިސްމެހެލާ ހެރަ ޕްރޮޖެކްޓް އިފްތިތާހް ކުރުމަށާއި، ހުޅުމީދޫ ދާއިރާގެ ކައުންސިލަރު ޕީޕީއެމް އާއި ގުޅުމަށް ބޭއްވި ރަސްމިއްޔާތުގައި އެންމެ ހާއްސަ ކަމަކަށްވެގެން ދިޔައީ މަޝްހޫރު ލަވަކިއުންތެރިއާ، އަދި ބަރަހަނާ ފޮޓޯތަކެއް ލީކްވި މީރާ ޕީޕީއެމްއަށް ސޮއި ކުރުމެވެ.
އެއްވެސް ސިޔާސީ ޕާޓީއަކަށް ތާއިދު ނުކުރާކަމަށް ބުނެފައިވާ މީރާ އެ ރަސްމިއްޔާތަށް ގޮސްފައިވަނީ އިޖްތިމާއީ އާއްމު މިންގަނޑަށް ނުފެތޭ ފަދަ ހެދުން އަޅަައިގެންނެވެ. އާއްމު ބަހުން ބުނާނަމަ މީރާ ވަނީ "ބަރަހަނާވެ" ހުރެގެން ޕީޕީއެމްއަށް ސޮއި ކުރުމަށްފަހު ޕީޕީއެމްގެ ރައީސް މައުމޫން އަބްދުލް ގައްޔޫމް އާއި ރައީސް ޔާމީން އާއި މީރާ ބައްދަލު ކޮށް ސަލާމް ކޮށްފައެވެ. މީރާ އާއި ރައީސް މައުމޫނު ސަލާމް ކުރާ ފޮޓޯތަކެއް މިވަނީ ސޯޝަލް މީޑިއާއަށް އާއްމުވެފައެވެ.
ރާއްޖޭގެ ރައީސުލް ޖުމްހުރިއްޔާ އާއި އަދި ދީނީ ދަރުސް ދެއްވުމާއި، ވައުޟާއި ނަސޭހަތް ދެއްވުމުގައި، "މެދު އުޑުގައި ފިޔަޖަހާފައިވާ" ކުރީގެ ރައީސް މައުމޫން އަބްދުލް ގައްޔޫމް ހިމެނި ވަޑައިގެންނެވި އެ ބޮޑު ހަފްލާގައި ފެނިގެން ދިޔަ މަންޒަރުން، އެތައް ސުވާލުތަކެއް އުފެދިގެން ދިޔައެވެ.
ރާއްޖޭގައި އާއްމު އިޖްތިމާއީ މިންގަޑުތަކަށް ނުފެތޭ ގޮތަށް ހެދުން އަޅައިގެން މަގު ތަކުގައި އުޅުނު ބައެއް މީހުން ފުލުހުންގެ ބެލުމުގެ ދަށައް ގެންގޮސް އެފަދަ މީހުންގެ ތަހްގީގު ހިންގާފައިވެއެވެ.
އެފަދަ ކަންކަން ހިނގާފައިވާ އިރު އެ ރަސްމިއްޔާތުގައި މީރާ، އެފަދަ މިންގަޑަށް ނުފެތޭ ހެދުމެއްގައި ހުރެ ރައީސް މައުމޫނާއި، ރައީސް ޔާމީން އާއި ސަލާމްކޮށް، ހެއްދެވުމަކީ އެފަދަ ކަންކަމަށް ތަރުހީބު ދިނުން ނޫންތޯއެވެ.
މީ މައްސަލައަކަށް ނުވާނަ މިރާއްޖޭގައި، އެއްވެސް ކަމެއް މައްސަލައަކަށް ނުވާނެއެވެ. އަމިއްލަ އަށް ބަރަހަނާވި ގޮތަށް މިއަދު މިވަނީ ދައުލަތްވެސް "ބަރަހަނާ" ކޮށްލާފައެވެ.