އަށް ގައުމެއްގެ ސަފީރުން އެބޭފުޅުންގެ ސަފީރުކަމުގެ ފަތްކޮޅު ރައީސް ޑރ.މުހައްމަދު މުއިއްޒަށް އަރުވައިފި އެވެ.
މިއަދު ހެނދުނު ރައީސް އޮފީހުގައި ބޭއްވި ރަސްމިއްޔާތުތަކެއްގައި ރައީސަަށް ފަތްކޮޅު އެރުވީ ސްލޮވަކް ރިޕަބްލިކް، ކެމްބޯޑިއާ، އަޔަލެންޑް، ޗިލީ، އޮމާން، ޕެރޫ، ލައޯސް ޕީޕަލްސް ޑިމޮކުރަޓިކް ރިޕަބްލިކް އަދި ފިންލޭންޑުން ރާއްޖެއަށް ކަނޑައަޅާފައިވާ ސަފީރުންނެވެ.
ސަފީރުންގެ ފަތްކޮޅުތަކާ ހަވާލުވެ ވަޑައިގަތުމަށްފަހު ރައީސް ވަނީ އެ ބޭފުޅުންނާ ވަކިވަކިން ބައްދަލުކުރައްވައި، އެ ގައުމުތަކާ އޮންނަ ގުޅުން އިތުރަށް ބަދަހިކުރެވިދާނެ ދާއިރާތަކާ ގުޅޭގޮތުން މަޝްވަރާ ކުރައްވާފަ އެވެ.
މި ސަފީރުންނަކީ ނޮން-ރެސިޑެންޓް ސަފީރުންގެ ގޮތުގައި އެ ގައުމުތަކުން ރާއްޖެއަށް ކަނޑައެޅި ސަފީރުންނެވެ. މި ސަފީރުންގެ ތެރެއިން ސްލޮވާކް ރިޕަބްލިކް، ކެމްބޯޑިއާ، އަޔަލެންޑް، ޗިލޭ، ޕެރޫ، ލާއޯ ޕީޕަލްސް ޑިމޮކްރެޓިކް ރިޕަބްލިކް އަދި ފިންލޭންޑުން ކަނޑައެޅި ސަފީރުން ތިބޭނީ އިންޑިއާގެ ވެރި ރަށް ނިއުދިއްލީގަ އެވެ. އޮމާން ސަފީރު ހުންނަވާނީ ސްރީ ލަންކާގަ އެވެ.