އައްޑޫ ސިޓީ ކައުންސިލުން ރައްޔިތުންނާ ބައްދަލު ކުރަން ތައްޔާރުވެއްޖެ އެވެ.
ކައުންސިލުން ބުނީ އެ ބައްދަލުވުން އޮންނާނީ މި މަހުގެ 28 ވަނަ ދުވަހުގެ ރޭ 8:30 ގައި ކައުންސިލް އިދާރާގެ ހޯލުގައި ކަމަށެވެ. އެ ބައްދަލުވުމުގައި އޮންލައިންކޮށް ވެސް ބައިވެރިވެވޭނެ އެވެ. ކައުންސިލުން ބުނީ އޮންލައިންކޮށް ބައިވެރިވުމަށް ބޭނުންވާ ލިންކް ކައުންސިކްގެ ސޯޝަލް މީޑިއާ ޕްލެޓްފޯމްތަކުގައި ފަހުން ހިއްސާކުރާނެ ކަމަށެވެ.
ރައްޔިތުންނާ އެކީ ބާއްވާ މި ބައްދަލުވުމަކީ ކުރިއަށް އޮތް އަހަރަށް ކައުންސިލްގެ ބަޖެޓްގައި ހިމަނަން ޖެހޭ ކަންކަމާ ގުޅޭ ގޮތުން ރައްޔިތުންގެ ޚިޔާލާއި މަޝްވަރާ ހޯދުމަށް ބާއްވާ ބައްދަލުވުމެކެވެ. އެހެންވެ ވީހާ ވެސް ގިނަ ބަޔަކު މިބައްދަލުވުމުގައި ވީހާ ގިނަ ބަޔަކު ބައިވެރިވުމަށް އެދިފައިވެ އެވެ.