ޝާހްރުކް ޚާނާއި ދަރިފުޅު ސުހާނާ ޚާން އެކީގައި ކުޅެން ހަމަޖެހިފައިވާ އެކްޝަން ތުރިލާ "ދަ ކިންގް" ގެ ވިލަން އަކީ އަބީޝެކް ބައްޗަން ކަމަށް ރިޕޯޓްތައް ބުނެފި އެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނީ މި ފިލްމުގައި ދެ ތަރިންގެ ވަރުގަދަ ކުރިމަތިލުންތަކެއް ދައްކުވައި ދޭނެ ކަމަށެވެ. ފާހަގަކޮށްލެވޭ ކަމަކީ ޝާހްރުކާއި އަބީޝެކް ކުރިން ވެސް އެކީގައި މަސައްކަތްކޮށްފައިވާކަމެވެ. އެއީ ކަރަން ޖޯހަރްގެ "ކަބީ އަލްވިދާ ނާ ކެހެނާ" އާއި ފަރާ ޚާންގެ "ހެޕީ ނިއު އިޔާ" ގަ އެވެ.
"ކިންގް" އަކީ ޝާހްރުކްގެ ރެޑް ޗިލީޒް އެންޓަޓައިންމަންޓާއި "ޕަތާން" ގެ ޑައިރެކްޓަރު ސިދާތު އާނަންދު ކުންފުނި، މާފްލިކްސް ފްލިކްސް ޕިކްޗާސް ގުޅިގެން ހަދަން ހަމަޖެހިފައިވާ ފިލްމެކެވެ. މީގެ ޑައިރެކްޓަރަކީ "ކަހާނީ" ފަދަ ފިލްމުތައް ގެނެސްދިން ސުޖޯއި ގޯޝް އެވެ.
އޭނަ ޑައިރެކްޓްކުރާ ފިލްމަކުން އަބީޝެކަށް ފުރުސަތު ލިބުނު އިރު، ސުޖޯއި ސްކްރީންޕްލޭ ލިޔެ، އޭނަގެ ދަރިފުޅު ދިޔާ އައްނަޕޫރްނާ ގޯޝް ޑައިރެކްޓްކުރި ފިލްމެއް އަބީޝެކް ކުރިން ކުޅެފައިވެ އެވެ. އެއީ 2021 ގެ އެކްޝަން ތުރިލާ "ބޮބް ބިސްވާސް" އެވެ.
ބޮލީވުޑުން މިހާތަނަށް މާ ބޮޑު ކުރިއެރުމެއް ހޯދިފައި ނުވާ އަބީޝެކަކީ މަޝްހޫރު އެކްޓަރު އަމީތާބްގެ ދަރިއެކެވެ. އަދި މަޝްހޫރު ބަތަލާ އައިޝްވާރިއާ ރާއީގެ ފިރިމީހާ އެވެ.
ރިޕޯޓްތައް ބުނާ ގޮތުން "ކިންގް" ގެ ޝޫޓިން ރަސްމީކޮށް ފަށަން ހަމަޖެހިފައި ވަނީ އޮކްޓޯބަރު-ނޮވެމްބަރު ހިސާބުގަ އެވެ.