އިންޑިއާގެ މަޝްހޫރު ފިލްމީ ތަރި، ރަކުލް ޕްރީތު ސިންގްގެ ކޮއްކޮ އެކްޓަރު އަމަން ޕްރީތު ސިންގް މަސްތުވާތަކެއްޗާ އެކީ ހައްޔަރުކޮށްފި އެވެ.
މީޑިއާތަކުން ބުނީ އޭނަ އާއި އިތުރު ބަޔަކު ހައްޔަރުކުރީ މަސްތުވާތަކެތި ބޭނުންކޮށް، އޭގެ ވިޔަފާރިކުރާ ކަމަށް ފުލުހުންނަށް ލިބުނު މައުލޫމާތަކާ ގުޅިހެން ހައިދަރުއާބާދުގައި އިއްޔެ ކުރިއަށް ގެންދިޔަ ރެއިޑް އޮޕަރޭޝަނެއްގައި ކަމަށެވެ. އެގޮތުން އަމަން އާއި އޭނަގެ ބައިވެރިވެރިންގެ އަތުން 199 ގްރާމް ކޮކެއިން ފެނިފައިވެ އެވެ. އޭގެ އަގު 35 ލައްކަ ރުޕީސް އަށް އަރަ އެވެ.
ރެއިޑްގައި އަމަން ހިމެނޭ ގޮތަށް ޖުމްލަ 13 މީހަކު ހައްޔަރުކުރި އެވެ. ނަމަވެސް ބަންދުގައި މިހާރު ތިބީ ފަސް މީހުންނެވެ. އެ މީހުންނަކީ ކުޑަކަމުދާ ތަކެތި ޓެސްޓްކުރި އިރު ކޮކެއިން އަށް ޕޮޒިޓިވްވެފައިވެ އެވެ. އޭގެ ތެރޭގައި އަމަން ވެސް ހިމެނެ އެވެ.
އަމަން މަސްތުވާތަކެތީގެ މައްސަލައެއްގައި ހައްޔަރުކުރި އިރު، އިންޑިއާގެ ފިލްމީ ތަރިން މަސްތުވާތަކެތި ބޭނުންކޮށް، އެ ޓްރެފިކް ކުރާ ކުރާ ކަމަށް މީގެ ހަތަރު ވަރަކަށް އަހަރު ކުރިން ކުރެވުނު ތުހުމަތުތަކާ ގުޅިގެން އިންޑިއާގެ އެންފޯސްމަންޓް ޑިރޮކްޓަރޭޓް (އީޑީ) އިން ސުވާލުކޮށް ބަޔާން ނެގި ތަރިންގެ ތެރޭގައި ރަކުލް ވެސް ހިމެނެ އެވެ.
"ދޭ ދޭ ޕިޔާރު ދޭ" އާއި "ރަންވޭ 34" އަދި "ޑޮކްޓަ ޖީ" ފަދަ ކާމިޔާބު ފިލްމުތައް ކުޅެފައިވާ ރަކުލް އަކީ ޕްރޮޑިއުސަރު ޖެކީ ބަގްނާނީގެ އަންހެނުންނެވެ.