ރާއްޖޭގެ އިމާމުންނާއި ހަތީބުންނަށް ރާއްޖެއިން ބޭރުން ތަމްރީނު ދޭން މި ސަރުކާރުން ފެށި ޕްރޮގްރާމްގެ ތެރެއިން އިތުރު އިމާމުންތަކެއް ބުރޫނާއީ އަށް ރޭ ފުރައިފި އެވެ.
ތަމްރީނަކަށް ބުރޫނާއީ އަށް ރޭ ފުރާފައި ވަނީ 20 އިމާމުންނެވެ. މިއީ ރާއްޖެއިން ބޭރަށް މިއަހަރު އިމާމުން ފޮނުވާ އިމާމުންގެ ތިންވަނަ ބެޗެވެ.
މި އަހަރުގެ މިހާތަނަށް ތަމްރީނަކަށް 60 އިމާމުން ރާއްޖެއިން ބޭރަށް ފޮނުވިފައިވާ ކަމަށް އިސްލާމިކް މިނިސްޓްރީން ބުނެ އެވެ.
ތަމްރީނަކަށް އިމާމުންތަކެއް ބުރޫނާއި އަށް ފުރާފައިވާއިރު، މި އަހަރުގެ ތެރޭގައި އިތުރު އިމާމުންނާއި ޚަތީބުން އިންޑޮނޭޝިޔާއާއި މެލޭޝިޔާއާއި ކުވައިތަށް ދަތުރުކުރުމަށް ވަނީ ހަމަޖެހިފަ އެވެ.