ހިންދީ ސިނަމާގެ ކުރީގެ މަޝްހޫރު ބަތަލާ މީނާ ކުމާރީގެ ވާހަކަ ކިޔައިދޭ ބައޮގްރަފިކަލް ޑްރާމާގެ ޝޫޓިން އަންނަ އަހަރަށް ފަސްކޮށްފި އެވެ.
މިޑް-ޑޭ އިން ބުނީ އެ ފިލްމުގެ މަސައްކަތް އަންނަ އަހަރަށް ފަސްކުރި މައިގަނޑު ސަބަބަކީ ސްކްރިޕްޓް އިތުރަށް ފުރިހަމަ ކުރަން ކަމަށެވެ.
އެގޮތުން މިހާރު ޕްލޭންކޮށްފައި އޮތް ގޮތުން މަޝްހޫރު ފެޝަން ޑިނައިޒަރު މަނީޝް މަލްއުތުރާ ޑައިރެކްޝަނަށް ނުކުްނނަ ފިލްމުގެ ޝޫޓިން ފަށާނީ އަންނަ އަހަރުގެ ކުރީކޮޅު ކަމަށް އެ ނޫހުން ބުންޏެވެ.
މީނާ ކުމާރުގެ ރޯލު ކުޅެން ހަމަޖެހިފައި ވަނީ ނެޝަނަލް އެވޯޑް ހޯދާފައިވާ ޒުވާން ބަތަލާ ކްރިތީ ސެނަން އެވެ.
ހިންދީ ސިނަމާގެ ލެޖެންޑެއްގެ ކަމަށްވާ މީނާ ކުމާރީގެ ބައޮޕިކެއް ހަދަން ވާހަކަ ދެކެވޭތާ މިހާރު ވަރަށް ގިނަ ދުވަސްތަކެއްވެއްޖެ އެވެ. ކުރިން ޕްލޭންކޮށްފައި އޮތް ގޮތުން މީގެ ޝޫޓިން ފަށަން އޮތީ މިދިޔަ އަހަރު އެވެ. ނަމަވެސް ވީހާ ވެސް ފުރިހަމަކޮށް ފިލްމު ހަދަން ބޭނުންވާތީ ސްކްރިޕްޓް ކޮށައިމަށައި، ފައްކާކުރަން އިތުރު ވަގުތު ބޭނުންވީ އެވެ.
ވަރަށް ޒުވާން އުމުރުގައި ހިތްދަތި ދިރިއުޅުމަކާ ކުރިމަތިލާން ޖެހުނު މީނާ ކުމާރީ އަކީ "ޓްރެޖެޑީ ކްއީން" ގެ ގޮތުގައި ސިފަކުރާ ބަތަލާއެކެވެ. އުމުރުން އެންމެ 38 އަހަރުގައި 1972 ގައި މަރުވި ބަތަލާ ވަރަށް ފާހަގަކޮށްލެވޭ ފިލްމުތަކެއް ކުޅުނެވެ. އޭގެ ތެރޭގައި "ބައިޖޫ ބަވްރާ"، "ދޯ ބިގާ ޒަމީން"، "ސާހިބު، ބީވީ އޯރް ގުލާމް" އަދި "ޕަކީޒާ" ހިމެނެ އެވެ.