"އެމްޑީޕީ ރޯޑްމެޕް" ދަތުރު ފަށައފި އެވެ.
މިއީ އެ ޕާޓީގެ އިދާރީ ހިންގުން ހަރުދަނާ ކުރުމަށް އެކުލަވާލެވޭ މަގުޗާޓާ މެދު ޕާޓިގެ އާންމު މެންބަރުންގެ ހިޔާލައި މަޝްވަރާ ހޯދުމަށް ފެށި ދަތުރެކެވެ.
އެގޮތުން އެންމެ ފުރަތަމަ ދަތުރު ފެށީ އައްޑު އަށެވެ. މި ދަތުރުގައި ޕާޓީގެ ފަރާތުން އެންމެ އިސްކޮށް ބައިވެރިވެވަޑައިގަންނަވަނީ ޗެއާޕާސަން ފައްޔާޒް އިސްމާއިލެވެ. އޭނައާ އެކީ އައްޑޫ ދަތުރުގައި ބައިވެރިވެވަޑައިގަންނަވާ ބޭފުޅުންގެ ތެރޭގައި އެމްޑީޕީގެ ޕީޖީ ލީޑަރު ހިތަދޫ އިތުރު ދާއިރާގެ މެންބަރު އިބްރާހީމް ނާޒިލާއި މަރަދޫ ދާއިރާ މެންބަރު އަހުމަދުދީދީ ހިމެނިވަޑައިގަނެ އެވެ.
އެގޮތުން އެންމެ ފުރަތަމަ ރާއްޖޭގެ އެންމެ ދެކުނަށް ކުރާ ދަތުރުގައި އައްޑޫގެ އިތުރުން ފުވައްމުލަކާއި ހުވަދު އަތޮޅުފެ ރަށްރަކަށް އެމްޑީޕީގެ ޓީމް ދާނެ އެވެ.
އެމްޑީފީގެ ހިންގުން ހަރުދަނާ ކުރަން ހާއްސަ މަސައްކަތްތަކެއް ކުރަން ނިންމީ މި އަހަރު ބޭއްވި މަޖިލިސް އިންތިހާބާއި މިދިޔަ އަހަރުގެ ރިޔާސީ އިންތިހާބުގައި ޕާޓީ އަށް ކުރިމަތިލާން ޖެހުނު ބޮޑު ނާކާމިޔާބީއާ ގުޅިގެންނެވެ.
އެމްޑީޕީ އަކީ ރާއްޖޭގެ އެންމެ ބޮޑު ސިޔާސީ ޕާޓީ އެވެ.