ގަވާއިދާ ޚިލާފަށް ވިޔަފާރި ކުރަމުން ދިޔަ 118 ބިދޭސީއަކު އިމިގްރޭޝަންގެ ދަށަށް ގެންގޮސްފި އެވެ.
އެ އިދާރާ އިން މިއަދު ބޭއްވި ނޫސްވެރިންގެ ބައްދަލުވުމެއްގައި އިމިގްރޭޝަން ކޮންޓްރޯލަރު މުޙައްމަދު ޝަމާން ވަޙީދު ވިދާޅުވީ ޤަވާއިދާ ޚިލާފަށް ވިޔަފާރި ކުރާ ބިދޭސީން ހޯދަން މިފަހުން 42 ރެއިޑް އޮޕަރޭޝަން ހިންގާފައިވާ ކަމަށެވެ. އެގޮތުން އޮޕަރޭޝަންއި 118 ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށް ވިދާޅުވި އެވެ.
އޭގެ ތެރޭގައި ހިމެނެނީ ހަ މާރުކޭޓަކުންނާއި ހަތް ފިހާރައަކުންނާއި ތިން ސްޕާ އާއި ފަސް ރެސްޓޯރަންޓާއި ކެފޭއަކާއި މޮބައިލް ތިން ފިހާރައަކުން އަތުލައިގަތް މީހުންނެވެ.
ގަވާއިދާ ހިލާފަށް ވިޔަފާރި ހިންގާ ބިދޭސީން އަތުލައިގަންނަމުން އަންނަ އިރު، އެ މީހުންނަށް ވިޔަފާރި ނުކުރެވޭނެ 25 ދާއިރާއެއް ކަނޑައަޅާފައިވެ އެވެ. އެހެންވެ އެފަދަ ވިޔަފާރިަތއް ހިންގާ ބިދޭސީންގެ މައްސަލަ ސީރިއަސް މައްސަލައެއްގެ ގޮތުގައި ބަލައި ފިޔަވަޅު އަޅަމުންދާނެ ކަމަށް އިމިގްރޭޝަނުން ބުންޏެވެ.
އިމިގްރޭޝަނުން ބުނި ގޮތުގައި މިދިޔަ އަހަރުގެ ނޮވެމްބަރު 17 އިން ފެށިގެން މިއަދާ ހަމައަށް ރާއްޖެ އިން 2،069 ބިދޭސީން ޑީޕޯޓްކޮށްފައިވެ އެވެ.