އައްޑޫ ހިތަދޫގައި ކާރެއްގައި އަލިފާން ރޯވެ ބޭނުން ނުކުރެވޭ ވަރަށް އަނދައިފި އެވެ.
ރޯވީ އައްޑޫ ސިޓީ ކައުންސިލް އިދާރާ ކައިރީ މަގުމަތީގައި ޕާކުކޮށްފައި އޮތް ކާރެއްގަ އެވެ.
އެމްއެންޑީއެފުން ބުނީ އެ މައުލޫމާތު އިއްޔެ ރޭ ދަންވަރު 02:38 ހާއިރު އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނަށް ލިބުމާއެކު، އެ ފަޔަރ ސްޓޭޝަނުގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާ ކަމަށެވެ. އެގޮތުން ކާރުގައި ރޯވި އަލިފާން ނިއްވައިލެވުނީ ދަންވަރު 03:16 ހާއިރު އެވެ.
ނަމަވެސް ކާރުގައި ރޯވާން ދިމާވި ސަބަބެއް ސާފެއް ނުވެ އެވެ.
ދާދި ފަހުން ވެސް ހިތަދޫގައީ ކާރުތަކެއްގައި ރޯވެފައިވެ އެވެ. މި ފަހަކަށް އައިސް ހިތަދޫގެ އެކިއެކި ހިސާބުތަކުގައި އަލިފާންގެ ހާދިސާތައް ހިނގުން ވަރަށް ބޮޑަށް އިތުރުވެފައިވެ އެވެ.