އަންނަ މަހު ރިލީޒްކުރަން ހަމަޖެހިފައިވާ ބޮލީވުޑްގެ ހޮރޯ-ކޮމެޑީ "އިސްތިރީ 2" ގެ ޓްރެއިލާ މިއަދު ދައްކާލައިފި އެވެ.
މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ މި ފިލްމު ސިނަމާތަކަށް ގެންނަން ހަމަޖެހިފައި ވަނީ އަންނަ މަހުގެ 15 ގަ އެވެ. "އިސްތިރީ 2" އަކީ 2018 ގައި ޑައިރެކްޓަރު އަމަރު ކޯޝިކް ގެނެސްދިން ކާމިޔާބު ފިލްމު "އިސްތިރީ" ގެ ސީކްއެލް އެވެ.
އާ ފިލްމުގެ ޓްރެއިލާ އިން ފެންނަ ގޮތުގައި "އިސްތިރީ 2" ގެ އެންމެ ބޮޑު ހައިލައިޓަކަށް ވާނީ ޝްރަދާ ކަޕޫރްގެ ކެރެކްޓާ އެވެ.
ދެވަނަ ބައިން ވެސް ކުރީގެ ބައިގެ މައިގަނޑު ކާސްޓުން ފެންނާނެ އެވެ. އޭގެ ތެރޭގައި ރާޖްކުމާރު ރާއޯ އާއި ޕަންކަޖް ޓްރިޕަތީ އާއި އަޕަރް ޝަކްތީ ކުރާނާގެ އިތުރުން އަބީޝެކް ބެނަޖީ ހިމެނެ އެވެ. "އިސްތިރީ 2" ގެ ހާއްސަ ފެނިލުމެއްގައި ތަމަންނާ ބާޓިއާގެ އިތުރުން މެޑޮކް އިން 2022 ގައި ގެނެސްދިން ސުޕަނެޗްރަލް ހޮރޯ-ކޮމެޑީ "ބީޅިޔާ" ގެ ބަތަލު ވަރޫން ދަވަން ވެސް ހިމެނެ އެވެ.
"އިސްތިރީ 2" އަންނަ މަހު ބެލުންތެރިންްނަށް ދޫކޮށްލާ އިރު، މި ފިލްމު އުފެއްދި ޕްރޮޑިއުސަރު ދިނޭޝް ވިޖަންގެ މެޑޮކް ފިލްމްސްގެ އެންމެ ފަހުގެ ފިލްމަކީ މިދިޔަ މަހު ރިލީޒްކޮށް ބޮޑު ތަރުހީބެއް ލިބުނު ހޮރޯ-ކޮމެޑީ "މުންޖިއާ" އެވެ.