މާފުށީ ޖަލުގެ މުވައްޒަފުންނަށް ލިޔެލާ ޖެހުމާއި ކަސަބު ގެތުމާ ބެހޭ ވޯކްޝޮޕްތަކެއް ފަށައިފި އެވެ.
މިއީ ދެ ހަފުތާގެ މުއްދަށް ކުރިއަށް ގެންދާ ވޯކްޝޮޕެކެވެ. ކަރެކްޝަންސް އިން ބުބީ ލިޔެލާ ވޯކްޝޮޕްގައި 10 ޕްރިޒަން އޮފިސަރުން ވެސް ބައިވެރިވެފައިވާ އިރު، ކަސަބު ވޯކްޝޮޕްގައި ހަ ޕްރިޒަން އޮފިސަރުންނާއި ހަތަރު ސިވިލް މުވައްޒަފުން ބައިވެފައިވެ އެވެ.
މި ދެ ވޯކްޝޮޕްގެ މައިގަނޑު މަގުޞަދަކީ ދިވެހި ޞަގާފީ މަސައްކަތްތައް އާލާކުރުމަށްޓަކަށް އޮފިސަރުންނާއި މުވައްޒަފުން ތަމްރީންކޮށް، އެ މީހުން މެދުވެރިކޮށް ޖަލުގައި ޙުކުމް ތަންފީޒު ކުރަމުން އަބްނަ ޤައިދީންނަށް އެ މަސައްކަތްތައް ދަސްކޮށް ދިނުމެވެ.
އެގޮތުބް މި އަހަރުގެ ތެރޭގައި މާފުށީ ޖަލުގައި ޤާއިމްކުރުމަށް ނިންމާފައިވާ ކަލްޗަރަލް ސެންޓަރުގައި ގައިދީންގެ އުފެއްދުންތައް ދައްކާލުމާއި، އެ ތަކެތި ވިއްކައިގެން އާމްދަނީ ވެސް ހޯދުމުގެ ފުރުޞަތު ފަހިކޮށް ދޭނެ އެވެ.
ކަރެކްޝަނަލް ސާވިސް އިން ބުނީ ޤައިދީންނަށް އަމާޒުކޮށްގެން މިފަދަ ވޯކްޝޮޕްތަކާއި ތަމްރީންތައް ހިންގުމަކީ އެ މީހުން ރިހެބިލިޓޭޝަނަށް ލިބޭ ބޮޑު ކުރިއެރުމެެއް ކަމަށެވެ. އެގޮތުން އަބަދުވެސް މަސައްކަތްކު ރަނީ ޤައިދީން ކުށްކުރުމުން ދުރުހެލިކޮށް، ޖަލުގައި ހޭދަ ކުރާ ދުވަސްތައް ފައިދާކުރުވަނިވި ދުވަސްތަކަކަށް ހެދުމަށާއި، އެ މީހުން ރަނގަޅު ފަރުދުންގެ ގޮތުގައި އަނބުރާ މުޖުތަމަޢުއަށް ދޫކުރުމަށެވެ.
އަދި ޖަލުން ނިކުތުމަށް ފަހު، އާމްދަނީއެއް ހޯދޭނެ މަސައްކަތެއް ދަސްކޮށް ދިނުމެވެ.