"ހޭލުންތެރި މީޑިއާ" ގެ ނަމުގައި ފުވައްމުލަކުގައި ޕްރޮފްރާމެއް ފަށައފި އެވެ.
އިއްޔެ ފެށި މި ޕްރޮގްރާމަކީ ރާއްޖޭގެ އެންމެ ދެކުނުގެ ދެ ސިޓީ ކަމަށްވާ އައްޑު އާއިދި ފުވައްމުލަކުގައި މަސައްކަތްކުރާ ނޫސްވެރިންނާއި، މަތީ ތައުލީމު ހާސިލްކުރަމުން އަންނަ ދަރިވަރުންނަށް ހާއްސަކޮށްގެން މާދަމާގެ ނިޔަލަށް ކުރިއަށް ގެންދާ ޕްރޮގްރާމެކެވެ.
ޔޫތު މިނިސްޓްރީން އިންތިޒާމުކޮށްގެން ބާއްވާ "ހޭލުންތެރި މީޑިއާ" ގައި ދެ ސިޓީން 40 މީހަކި ބައިވެރިވެ އެވެ. ބައިވެރިވެފައިވެއެވެ.
ޓްރެއިނިން ޕްރޮގްރާމްގައި ބައިވެރިންނަށް މައުލޫމާތު ހިއްސާކުރާ މައުޟޫތަކުގެ ތެރޭގައި، ނޫސްވެރިކަމާއި ނޫސްވެރިކަމުގެ އަހުލާގު، ނޫސްވެރިކަމުގެ ވައްތަރުތަކާއި ލިޔުންތެރިކަމުގެ ވައްތަރުތައް، ދިވެހިރާއްޖޭގެ ތަރައްގީގައި ނޫސްވެރިންގެ ދައުރު، ތަހުގީގީ ނޫސްވެރިކަން ނުވަތަ އިންވެސްޓިގޭޓިވް ޖާރނަލިޒަމް، އެކި އެކި ފިކުރުތަކާއި ނޫސްވެރިކަން އަދި ނޫސްވެރިކަމުގެ ބަސްމަގު، ނޫސްވެރިންނަށް ކުރިމަތިވާ ގޮންޖެހުންތަކާއި ހުރި ފުރުސަތުތައް އަދި ފޭކް ނިއުސް އެންޑް ޝޮލިއުޝަން ޖާނަލިޒަމް ހިމެނެ އެވެ.
ސެޝަންތައް ނަގައި ދެނީ ނޫސްވެރިންތަކެއް ކަމަށްވާ އަލީ ޝައްމާން، އަބްދުއްލަތީފު އަހުމަދު، އަހުމަދު ނާއިފު، މުހައްމަދު ނަޒީފު، ޝަމްއާން ޝާކިރު، އަމާނުالله ރަޝީދު، އަޝްރަފު އަލީ އަދި ޑރ އިބްރާމް ސަމީރު އެވެ.
މި ޕްރޮގްރާމްގެ މަގުސަދަކީ ނޫސްވެރިކަމުގައި އުޅޭ އަދި ނޫސްވެރިކަމަށް ޝައުގުވެރިކަން ހުންނަމީހުންނަށް ޚަބަރާއި މައުލޫމާތު ފެތުރުމަށް އަހުލުވެރިކުރުވުމެވެ.