ފޮރިން މިނިސްޓަރު މޫސާ ޒަމީރު ރަސްމީ ދަތުރެއްގައި މާދަމާ ޗައިނާ އަށް ވަޑައިގަންނަވާ ގޮތަށް ހަމަޖެހިއްޖެ އެވެ.
ފޮރިން މިނިސްޓްރީން މިއަދު ބުނީ މިއީ ސީޕީސީގެ ސެންޓްރަލް ކޮމިޓީގެ ޕޮލިޓިކަލް ބިއުރޯގެ މެންބަރު، ސެންޓްރަލް ކޮމިޝަން ފޯ ފޮރިން އެފެއާޒްގެ އޮފީހުގެ ޑިރެކްޓަރު އަދި ޗައިނާގެ ފޮރިން މިނިސްޓަރު މިސްޓަރ ވަންގް ޔީ ގެ ދައުވަތަކަށް ފޮރިން މިނިސްޓަރު މި މަހުގެ 20-24 އަށް ކުރައްވާ ދަތުރެއް ކަމަށެވެ.
މި ދަތުރުގައި ފޮރިން މިނިސްޓަރު، ޗައިނާގެ ފޮރިން މިނިސްޓަރު ވަންގް ޔީއާ އެކު ރަސްމީ މަޝްވަރާތަކެއް ބާއްވަވާނެ އެވެ. އުަދި މި ދަތުރުގެ ތެރެއިން ޗައިނާ ސަރުކާރުގެ އިސްވެރިންނާއި އެ ގައުމުގެ ބޮޑެތި ބައެއ ކުންފުނިތަކާ ވެސް ބައްދަލު ކުރައްވާނެ އެވެ.
މި ސަރުކާރުން އެންމެ ގާތް ގުޅުމެއް ބާއްވާ ގައުމަކީ ޗައިނާކަން ފާހަގަކޮށްލެވެ އެވެ.