އޯ ލެވެލް އިމްތިހާނުން ތިން މާއްދާއިން ފާސްވެއްޖެ ނަމަ އޭ ލެވެލް ކިޔެވުމުގެ ފުރުސަތު ލިބޭ ގޮތަށް އުސޫލު ބަދަލުކޮށްފި އެވެ.
އުސޫލު މިހާރު އޮންނަ ގޮތުން މަތީ ސާނަވީ އަށް ކިޔަވަން ސަރުކާރުގެ ސްކޫލްތަކުން ފުރުސަތު ދެވެނީ ޖުމްލަ ފަސް މާއްދާއިން ފާސްވުމުންނެވެ. އެއީ މަޖުބޫރު ހަތަރު މާއްދާ ކަމަށްވާ އިސްލާމް, ދިވެހި, އިނގިރޭސި އަދި ހިސާބުގެ އިތުރުން, ސްޓްރީމްގެ އެއް މާއްދާއިންނެވެ.
ނަމަވެސް މި އުސޫލަށް ބަދަލު ގެންނަން ނިންނައި އެޑިއުކޭޝަން މިނިސްޓްރީން ސްކޫލްތަކަށް ފޮނުވި ސާކިއުލާއެއްގައި ބުނީ ގުރޭޑް 11 އަށް ވަނުމަށް ހުށަހަޅާފައިވާ ހުރިހާ ދަރިވަރުންނަށް ސްކޫލުން ޖާގަ ދެވެން ނެތްނަމަ، ސްކޫލުގައި ޖާގަ އޮތް މިންވަރަށް ބަލައި، ހުށާހަޅާފައިވާ ދަރިވަރުންގެ ތެރެއިން ނަތީޖާ އެންމެ ރަނގަޅު ދަރިވަރުންނަށް ފުރުޞަތު ދޭން ޖެހޭނެ ކަމަށެވެ.
އެންމެ ފަހުން ބޭއްވި އޭ ލެވެލް އިންތިހާނުގައި ބައިވެރިވެފައި ވަނީ 3،268 ދަރިވަރުންނެވެ. އެއީ މާލޭގެ ތިން ސެންޓަރަކާއި އަތޮޅު ތެރޭގެ 42 ސެންޓަރު ހިމެނޭ ގޮތަށް ޖުމްލަ 45 ސެންޓަރަކުންނެވެ.