މާލެ ސިޓީ ކައުންސިލުން ހުސްވެފައިވާ ގޮނޑިތަކަށް މެމްބަރުން އިންތިހާބުކުރުމަށް މިއަދު ބޭއްވި ބައި އިލެކްޝަންތައް ވެރިކަން ކުރާ ޕީއެންސީގެ ކެންޑިޑޭޓުން ކާމިޔާބުކޮށްފި އެވެ.
މާލެ ސިޓީ ކައުންސިލުން ހުސްވީ ހެންވޭރު ހުޅަނގު ދާއިރާ އާއި މައްޗަންގޮޅި މެދު ދާއިރާ އާއި ހުޅުމާލެ ދާއިރާ އެވެ. އެ ގޮނޑިތައް ހުސްވީ އެ ދާއިރާތަކުގެ ކައުންސިލަރު ކަމުގައި ތިއްބެވި ބޭފުޅުން، ވިހިވަނަ ރައްޔިތުންގެ މަޖިލީހުގެ މެންބަރު ކަމަށް އިންތިހާބުވުމާ ގުޅިގެންނެވެ.
މިއަދު ބޭއްވި މާލެ ސިޓީގެ ބައި އިލެކްޝަން ގައި ވާދަކުރީ އެމްޑީޕީއާ ޕީއެންސީގެ ކެންޑިޑޭޓުންނެވެ.
ޕީއެންސީން ކާމިޔާބު ހޯދި ކެންޑިޑޭޓުންނަކީ:
1- ފާތިމަތު ޝައުފާ ސަލީމް – ހެންވޭރު ހުޅަނގު
2- ފާތިމަތު އިޝާން އަލީ – މައްޗަންގޮޅި މެދު
2- އަލީ އައިމަން – ހުޅުމާލެ
ޤާނޫނުގައިވާ ގޮތުން ކައުންސިލްގެ ގޮނޑިއެއް ހުސްވާތާ 60 ދުވަހުގެ ތެރޭގައި ބައި-އިލެކްޝަނެއް ބާއްވަން ޖެހެ އެވެ.