ޗައިނާ-ދެކުނު އޭޝިއާ ކޯޕަރޭޝަން ފޯރަމަށް ރައްޔިތުންގެ މަޖިލީހުގެ ވަފުދެއް ރޭ އެ ގައުމަށް ފުރާވަޑައިގެންފި އެވެ.
ވަފުދުގައި އިސްކޮށް ހުންނެވީ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހުމަދު ނާޒިމެވެ. ފޯރަމުގައި އޭނަ ތަގުރީރު ވެސް ކުރައްވާނެ އެވެ.
ޗައިނާ ދަތުރުގައި ދެން ބައިވެރިވެވަޑައިގަންނަވަނީ ޕީއެންސީ އަށް ނިސްބަތްވާ ފޭދޫ ދެކުނު ދާއިރާގެ މެންބަރު އބްރާހީމްދީދީ (އައިބީ) އާއި މާފަންނު ދެކުނު ދާއިރާގެ މެންބަރު އަބްދުﷲ ރިފާއު އާއި މިލަންދޫ ދާއިރާގެ މެންބަރު ހަސަން މުފީދު އަބްދުއްގާދިރާއި އެމްޑީޕީ އަށް ނިސްބަތްވާ ވައިކަރަދޫ ދާއިރާގެ މެންބަރު ހުސައިން ޒިޔާދު (ފިއްޓެ) އެވެ.
މަޖިލީހުގެ މެންބަރުންގެ ވަފުދެއް ޗައިނާއަށް ވަޑައިގަތް އިރު، އިއްޔެ ތިން މިނިސްޓަރަކު ވެސް ވަނީ ރަސްމީ ދަތުރެއްގައި ޗައިނާ އަށް ވަޑައިގެންފަ އެވެެ. އެއީ ފޮރިން މިނިސްޓަރު މޫސާ ޒަމީރާއި ފިނޭންސް މިނިސްޓަރު ޑރ. މުހައްމަދު ޝަފީގްގެ އިތުރުން ، އިންފްރާސްޓްރަކްޗާ މިނިސްޓަރު ޑރ. އަބްދުއްމުއްތަލިބެވެ.