ރާއްޖޭގެ ފުރަތަމަ ނިއުރޯސާޖަން ޑރ. އަލީ ނިޔާފު އޭޑީކޭ އިން ވަކިވެވަޑައިގެން، އައިޖީއެމްއެޗާ މިއަދު ގުޅިވަޑައިގެންފި އެވެ.
ސަރުކާރުގެ އެންމެ ބޮޑު ހޮސްޕިޓަލާ އޭނަ ގުޅިވަވަޑައިގަތްކަން މިއަދު ސޯޝަލް މީޑިއާ ޕޯސްޓެއްގައިި ހިއްސާކޮށް، އައިޖީއެމުން މަރުހަބާ ވެސް ކިޔާފައިވެ އެވެ. އެ ހޮސްޕިޓަލުން ބުނީ އެތަނުގެ ޓީމާ ޑރ. ނިޔާފު ގުޅިވަޑައިގަތުމަކީ ހޮސްޕިޓަލްގެ ހިދުމަތްތަކަށް ލިބޭނެ ވަރަޑް ބޮޑު ކުރިއެރުމެއް ގަބޫލުކުރާ ކަމަށެވެ.
ރާއްޖޭގެ އެންމެ ބޮޑު އެއް ޕްރައިވެޓް ހޮސްޕިޓަލް ކަމަށްވާ އޭޑީކޭ އިން ނިޔާފު ވަކިވެޑައިގެންފައި ވަނީ އެތަނުގައި މަސައްކަތް ކުރައްވާ ނުވަ އަހަރާއި 10 މަހަށް ފަ ހުއެވެ.
ނަމަވެސް އޭނަ އޭޑީކޭއިން ވަކިވެވަޑައިގެން ސަބަބެއް އެ ހޮސްޕިޓަލަކުން ހާމައެއް ނުކުރެ އެވެ.
ނިޔާފަކީ މިހާތަނަށް 2،000 އަށް ވުރެ ގިނަ ނިއުރޯސާޖަރީ ކާމިޔާބުކަމާ އެކު ފުރިހަމަކުރައްވާފައިވާ ޑޮކްޓަރެކެވެ. އެވެ. އޭނަ ވަނީ އެމެރިކާ، ރަޝިއާ، އިންޑިއާ، ބްރެޒިލް އަދި ނޭޕާލްގެ އިތުރުން ވެސް ބައެއް ގައުމުތަކަކުން ވެސް ތައުލީމާއި ތަމުރީނު ހާސިލު ކުރައްވައިފަ އެވެ.