މާލޭގެ ފިހާރައަކުން "ފޮގް" ބްރޭންޑްގެ ދެ ފުޅި ސެންޓް ވަގަށް ނެގިކަމުގެ ކުށް ސާބިތުވި މީހަކު ދެ މަހަށް ޖަލަށްލާން ކްރިމިނަލް ކޯޓުން އިއްުޔެ ހުކުމްކޮށްފި އެވެ.
އެ ހުކުމް އިއްވީ އއ. ފެރިދޫ، ނިއުޒިންދާގީ، އަލީ ނާޝީއުގެ މައްޗަށެވެ.
ހުކުމްގައި ބުނީ އޮކްޓޫބަރު 14، 2023 ވަނަ ދުވަހު މާލޭ ދޮންއަރާދަހިނގުމުގައި ހުންނަ "ސިކްސް މާޓް" ފިހާރަ އިން އޭނަ "ފޮގް" ބްރޭންޑުގެ ދެ ފުޅި ނަގައި، ލައިގެން ހުރި ޖިންސާއި ހަށިގަނޑު ދޭތެރެއަށް ޖަހައިގެން ފިހާރައިން ނުކުމުގެން ދާން އުޅެފައިވާ ކަމަށެވެ.
ވަގަށް ސެންޓު ފުޅިތަކެއް ނެގިކަމުގެ ކުށަށް އިއުތިރާފުވެފައިވާތީ ނާޝިއުގެ އަަަދަބުގެ އަސާސީ މިންގަނޑު އެއް ދަރަޖަ ދަށްކޮފައިވެ އެވެ. އެގޮތުން ކްރިމިނަލް ކޯޓުން ހުކުމް ކުރީ އޭނަ ދެ މަހާއި 12 ދުވަހަށް ޖަލަށްލުމަށެވެ. ނަމަވެސް ބަންދުގައި ހޭދަކޮށްފައިވާ މުއްދަތު އުނިކުރުމުން ނާޝިއު ދެން ތަންފީޒުކުރަން ޖެހޭނީ 1 މަހާއި 27 ދުވަހުގެ ޖަލު އަދަބެކެވެ.
އޭނަ އަކީ ކުރިން ތިން އަހަރަށް ޖަލަށްލާން ޑްރަގު ކޯޓުން ވެސް ހުކުމެއް ކޮށްފައިވާ މީހެކެވެ.