މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ނައިބު ރައީސް ކަމަށް ތުޅާދޫ ދާއިރާގެ ކުރީގެ މެންބަރު ހިސާން ހުސައިން އައްޔަންކުރުމަށް ނިންމައިފި އެވެ.
އެމްޑީޕީގެ ނައިބު ރައީސް ކަމަށް ހިސާން އައްޔަން ކުރަން ނިންމީ މިހާރު ކުރިއަށްދާ އެމްޑީޕީގެ ގައުމީ މަޖިލީހުގެ ބައްދަލުވުމުގަ އެވެ.
ހިސާން އެ މަގާމު އައްޔަން ކުރަން ގައުމީ މަޖިލީހަށް ހުށަހެޅީ އެމްޑީޕީގެ ރައީސް އަބްދުﷲ ޝާހިދު އެވެ.
ޝާޙިދު ވިދާޅުވީ ހިސާން އެމްޑީޕީއަށާއި ޕާޓީގެ މެންބަރުންނަށް ކޮށްދެއްވާފައިވާ އިޙްލާސްތެރި ގިނަގުނަ ޚިދުމަތްތަކަށް ބަލާއިރު، ހިސާންއަކީ މި މަޤާމަށް އެންމެ އެކަށީގެންވާ ބޭފުޅެއްކަމަށް ދެކޭ ކަމަށެވެ.
އެމްޑީޕީގެ ލީޑަޝިޕްގައި މިވަގުތު އަންހެން ބޭފުޅުން މަދުކަމާއެކު މި ނިންމުމުގައި އެކަމަށްވެސް ވިސްނުން ބަހައްޓާފައިވާނެ ކަމަށް ޝާހިދު ވިދާޅުވި އެވެ.