ރާއްޖެ އަށް ކޮޅުނެތް ކޮޅަށް މިނިވަންކަން ދެމެހެއްޓޭނީ ބޭރުގެ ދަރަނިން ސަލާމަތްވެގެން ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
މިއަދު ފާހަގަކުރާ ރާއްޖޭގެ 59 ވަނަ މިނިވަން ދުވަހުގެ ތަހުނިޔާ ފޮނުއްވައި މަޖިލީހުގެ ކުރީގެ ރައީސް ވިދާޅުވީ ދަރަނިން ސަލާމަތްވުމަކީ މުހިއްމު ކަމަކަށް ވިޔަސް ބޭރުގެ މާލީ އެހީ އަށް ރާއްޖެ ވަރަށް މުހިއްމު ކަމަށެވެ.
"ދަރަނި ނެތި އެޅުމުން ސަރުކާރުން ދޭ އެތައް ހިދުމަތްތަކުން މަހުރޫމު ވާނެ،" ނަޝީދު ވިދާޅުވި އެވެ. "އެހެނަސް ބުއްދިވެރިކަން އިސްކުރުން ވަރަށް މުހިއްމު."
ރައީސް ޑރ. މުހައްމަދު މުއިއްޒުގެ ސަރުކާރުން ބުނެފައިވާ އިރު، މި ސަރުކާރު އައި އިރު، ކުރީގެ ސަރުކާރުން އޮތީ ރާއްޖެ ދަރުވާލައިފަ އެވެ. ނަމަވެސް ފައިސާ ޗާޕްކުރުން ހުއްޓައިލުމަށް ފަހު، ވަރަށް ހަރުދަނާ ނިޒާމެއްގެ ތެރެއިން ބޭރުގެ ދަރަނި ބަރާބަރަށް ދައްކަމުން އަންނަ ކަމަށް ސަރުކާރުން ބުނެ އެވެ.