ތައިލެންޑް ރޯޔަލް ޕޮލިސް ކެޑޭޓް އެކަޑަމީން ކުރިއަށް ގެންދިޔަ ސައިބަ ސެކިއުރިޓީ އެންޑް ސައިބަ އިންވެސްޓިގޭޝަން ޓްރޭނިން ކޯހެއްގައި ދިވެހި ފުލުހުންތަކެއް ބައިވެރިވެއްޖެ އެވެ.
މި މަހުގެ 15-20 އަށް ބެންކޮކްގައި ކުރިއަށް ގެންދިޔަ ކޯހުގައި، ތްރެޓް ޑިޓެކްޝަން، ރިސްކް މެނޭޖްމަންޓް، އެތިކަލް ހެކިން، އަދި އިންސިޑެންޓް ރެސްޕޮންސް ފަދަ ސައިބާއާ ގުޅުން ހުރި ތީމުތަކުގެ މައުލޫމާތު ހިއްސާކޮށްފައިވެ އެވެ.
ޓްރެއިނިން ކޯހުގައި ސެންޓްރަލް އިންވެސްޓިގޭޝަންސް ކޮމާންޑް، މާލެ ޕޮލިސް، ހުޅުމާލެ ޕޮލިސް، ފޮރެންސިކް ސާވިސަސް، ޑައިރެކްޓްރޭޓް އޮފް އިންޓެލިޖެންސް އަދި ފަސް ރީޖަންގެ އިންވެސްޓިގޭޝަން އޮފިސަރުންނާއި ޓެކްނިކަލް އޮފިސަރުން ހިމެނޭހެން 15 މުވައްޒަފަކު ބައިވެރިވި އެވެ.
ރޯޔަލް ޕޮލިސް ކެޑޭޓް އެކަޑަމީން އަންނަނީ ދިވެހި ފުލުހުންނަށް ތަފާތު އެކި ކޯސްތަކާއި ތަމްރީން ޕްރޮގްރާމުތައް ހިންގަމުންނެވެ.