އެމެރިކާ އިން ރާއްޖެއަށް ކަނޑައަޅުއްވާފައި ހުންނަވާ ސަފީރު ހޫގޯ ޔޫ-ހޯ ޔޮން، ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲގެ އަރިހަށް އިހުތިރާމުގެ ޒިޔާރަތެއް ކުރައްވައިފި އެވެ.
އެ ބައްދަލުކުރެއްވުން އޮތީ ރައްޔިތުންގެ މަޖިލީހުގެ އިދާރާގަ އެވެ.
މިއަދުގެ ބައްދަލްވުމުގައި މަޖިލީހުގެ ނާއިބު ރައީސް އަހްމަދު ނާޒިމާއި ޕީއެންސީގެ ޕާލަމެންޓްރީ ގްރޫޕްގެ ލީޑަރު އިބްރާހިމް ފަލާހު ބައިވެރިވެވަޑައިގެންނެވި އެވެ.
މިއަދުގެ ބައްދަލްވުމުގެ ތަފްސީލެއް މަޖިލީހުގެ އިދާރާ އިން ނުދެ އެވެ.
މި ސަރުކާރު ވެރިކަމާ ހަވާލުވިފަހުން ރާއްޖެއާ އެމެރިކާއާ ދެމެދު އޮންނަ ހާރިޖީ ގުޅުން ބަދަހިކުރަމުންދާއިރު ދާދިފަހުން ހާރިޖީ ވަޒީރު މޫސާ ޒަމީރު އާއި އިކޮނޮމިކް މިނިސްޓަރު މުހައްމަދު ސައީދު ވަނީ އެމެރިކާއަށް ވަޑައިގެންފަ އެވެ. އަދި އެމެރިކާއިންވެސް ދަނީ ރާއްޖެ އަށް އިސް އޮފިޝަލުން ފޮނުވާ މަޝްވަރާތައް ބާއްވަމުންނެވެ.