ރާއްޖޭގެ ސްޕެޝަލް އިކޮނޮމިމް ޒޯން އެސްއީޒެޑް) އާ ގުޅޭ ދިރާސާތަކެއް ކުރުމާ ގުޅޭ ގޮތުން އިކޮނޮމިކް މިނިސްޓްރީ އާއި އިސްލާމިކް ޔުނިވަސިޓީން މަޝްވަރާކޮށްފި އެެވެ.
މި މަޝްވަރާއާ ގުޅޭ ގޮތުން މިނިސްޓްރީން ބުނީ ރާއްޖޭގެ އިގުތިސާދު ޓޫރިޒަމަށް ބަރޯސާވެފައިވާ އިރު، އިންވެސްޓްމަންޓްތަކަށް ފުޅާ މަންޒިލެއްގެ ގޮތުގައި ރާއްޖެ އަލުން ބައްޓަން ކުރުން ވެސް މުހިއްމު ކަމަށެވެ. އެގޮތުން އައިޔޫއެމާ އެކީ ބޭއްވި ބައްދަލުވުމުގެ މަގުސަދަކީ މާކެޓިނގގެ ނަޒަރުން އެސްއީޒެޑް ދިރާސާކޮށް، އޭގެ ސަބަބުން ލިބިދާނެ ފައިދާތަކާ ބެހޭ ގޮތުން މަޝްވަރާކުރުން ކަމަށް މިނިސްތްރީން ބުންޏެވެ.
އަދި ރައީސް ޑރ. މުހައްމަދު މުއިއްޒުގެ ވައުދުތަކާ އެއްގޮތަށް އެސްއީޒެޑްގެ ދިގު މުއްދަތުގެ ފައިދާތަކާ ގުޅޭ ގޮތުން ވެސް މަޝްވަރާކޮށްފައިވެ އެވެ.
ބައްދަލުވުމުގައި އިމްޕޯޓް އެންޑް އެކްސްޕޯޓް ޑައިނަމިކްސް އާއި މަސައްކަތްތެރިންނަށް ދިމާވާ އެކިއެކި އުނދަގޫތައް ފަދަ މުހިންމު ގޮންޖެހުންތަކެއް ފާހަގަކޮށްފައިވެ އެވެ. އެމައްސަލަތަކަށް ހައްލެއް ހޯދުމަށްޓަކައި އެއްބާރުލުން ދިނުމުގެ މައިގަނޑު ތިން ނުކުތާއެއް ހުށައަޅާފައިވެ އެވެ.
* އެސްއީޒެޑް ވެބްސައިޓް ބޭނުން ކުރުން
* ރައީސް ވައުދުވެފައިވާ ގޮތަށް އިގުތިސާދީ އާ ނުވަ ދާއިރާއެއް ތަރައްގީކުރުން
* ބޭރުގެ އިންވެސްޓްމަންޓް ހޯދުމަށް އިސްލާމިކް ފައިނޭންސިން ދިރާސާތައް ކުރުން
ބައްދަލުވުމުގައި އައިޔޫއެމް އިން ފާހަގަކުރި ގޮތުގައި މިހާރު ކުރިއަށްދާ ދިރާސާއެއް ނެތް ނަމަވެސް ކުރިއަށް އޮތް ތަނުގައި މިނިސްޓްރީއާ ދިސާރާތައް ހިއްސާކުރެވޭނެ އެވެ. އެގޮތުން އެ ޔުނިވާސިޓީން އަންނަނީ މާސްޓާސް ބައި ރިސާޗް ޕްރޮގްރާމްތައް ތައާރަފު ކުރަމުން ކަމަށާއި ދަރިވަރުންގެ ދިރާސާތައް އެސްއީޒެޑްގެ އިސްނެގުމާ ގުޅުވައިލުމުގެ ފުރުސަތުތައް ފެންނާނެ ކަމަށް ބުންޏެވެ.
މި ކަމަށް މިނިސްޓްރިއާ އެކީ އެކުލަވާލި އެއްބަސްވުން މެދުވެރިކޮށް ޔުނިވާސިޓީން ޝައުގުވެރިކަން ފާޅުކޮށް، ޔުނިވާސިޓީގެ އެޑްވައިޒަރީ ބޯޑާ ގުޅެން ވުޒާރާގެ މަންދޫބަކު ބޭނުންވާކަން އިސްލާމިކް ޔުނިވާސިޓީން ފާހަގަކުރި އެވެ.