ރޭ މެންދަމު މާލޭގެ މ. އޯކިޑްޕްލާޒާގޭގައި އަލިފާން ރޯވި ހާދިސާއެއްގައި އެއްވެސް މީހަކަށް ގެއްލުމެއްވެފައި ނުވާ ކަމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީ އެންޑީއެމްއޭ) އިން ބުނެފި އެވެ.
އެތަނުން މިއަދު ބުނީ އަލިފާނުގެ ހާދިސާއާ ގުޅިގެން ކައިރި ގެތަކުން 48 މީހަކު އިވަކުއޭޓް ކުރަން ޖެހުނު ކަމަށެވެ. އަދި އޭގެ ތެރޭގައި 15 ކުޑަކުދިން ވެސް ހިމެނޭ ކަމަށާއި އެ އެންމެން މިހާރު އަލުން ގެތަކަށް އަނބުރާ ވައްދާފައިވާ ކަމަށެވެ.
"ހާދިސާގައި އެއްވެސް ފަރާތަކަށް ހާނިކައެއްވެފައެއް ނުވޭ." އެމްޑީއެމްއޭ އިން ބުންޏެވެ.
ރޭ ފަތިހު މ.އޯކިޑްޕްލާޒާގަ ހިނގި އަލިފާނުގެ ހާދިސާއާއި ގުޅިގެން ކައިރި ގެތަކުން 48 މީހަކު އިވަކުއޭޓް ކުރެވިފައިވޭ. މީގެ ތެރޭގައި 15 ކުޑަކުދިން ހިމެނޭ. މިހުރިހާ ފަރާތްތައް މިހާރު ވަނީ ގެތަކަށް އަނބުރާ ވެއްދިފަ. ٱلْحَمْدُ لِلَّٰهِ އެއްވެސް ފަރާތަކަށް ހާނިކައެއް ވެފައެއް ނުވޭ. pic.twitter.com/Zy1HQYZIZ1
— NDMA Maldives (@NDMAmv) July 29, 2024
އޯކިޑްޕްލާޒާގޭގައި ރޯވިކަމުގެ މަޢުލޫމާތު އެމްއެންޑީއެފަށް ލިބުނީ މެންދަމު ރޭ ފަތިހު 3:31 ހާއިރު އެވެ. އަދި އެތަނުގެ ފަޔަ އެންޑް ރެސްކިޔު ސާވިސް އަށް އަލިފާންގަނޑު އެއްކޮށް ނިއްވައިލެވުނީ ފަތިހު 4:49 ހާއިރު އެވެ.
އެމްއެންޑީއެފުން ބުނު ގޮތުގައި ފަޅަށް ހުރި އިމާރާތުގައި އަލިފާން ރޯވާން ދިމާވި ކަމަށް ބެލެވެނީ އެތަނުގައި ހުރި ކުނިތަކެއްގައި ރޯވެގެންނެވެ.