އެންވަޔަރަމެންޓަލް ޕްރޮޓެކްޝަން އެޖެންސީ (އީޕީއޭ) އަށް ސަރުކާރުގެ ނުފޫޒެއް ނޯންނާނެ ކަމަށާއި އެހެންވެ އެތަން މިނިވަން ނުވެގެން އެ އެޖެންސީ އަށް އެއްވެސް ކަމެއް ނުވެގެން އުޅެން ނުޖެހޭ ކަމަށް އެންވަޔަރަމަންޓް މިނިސްޓަރު ތޯރިގް އިބްރާހީމް ވިދާޅުވެއްޖެ އެވެ.
އެސްއެސް ޓީވީގެ މިނިސްޓަރު ވިދާޅުވީ، އީޕީއޭ މިނިވަން ކުރުމަކީ ފަސޭހަ ކަމެއް ނޫން ކަމަށެވެ. އަދި، އީޕީއޭ އާއި މިނިސްޓްރީއާ އަބަދު ވެސް ކޮންމެ ވެސް ކަހަލަ ގުޅުމެއް އޮންނަން ޖެހޭނެ ކަމަށް ވިދާޅުވި އެވެ. ތޯރިގު ވިދާޅުވީ ދުވަހުން ދުވަހަށް އީޕީއޭ އިން ކުރަން ޖެހޭ މަސައްކަތްތަކަށް މިނިސްޓްރީގެ ނުފޫޒު ނުފޯރާނެ ކަމަށެވެ. އަދި އެތަން ބާރުވެރި ކުރުމަށް ކުރަން ޖެހޭ ކަންކަން ވެސް މިނިސްޓްރީން ކުރަމުން އަންނަ ކަމަށް ވިދާޅުވި އެވެ.
ނަމަވެސް އީޕީއޭ އެއްކޮށް މިނިވަންކުރުމުގެ ވިސްނުން އަދިވެސް ނެތް ކަމަށް މިނިސްޓަރު ވިދާޅުވިއެވެ.
"ޑޭޓުޑޭ ނަގަން ޖެހޭ ޑިޒިޝަންތައް ނެގުމާއި އެ ހުރިހާ ކަމެއް އެ ބޭފުޅުން އަމިއްލައަށް ކުރަނީމ" ތޯރިގު ވިދާޅުވި އެވެ. "އެހެންވީމަ އީޕީއޭ މިނިވަން ނުވެގެން ވަކި ކަމެއް ނުވެފައެއް ނޯންނާނެ."
މިނިސްޓަރު ވިދާޅުވީ އީޕީއޭ މިނިވަން ކުރުމުގެ ވާހަކަ ދެއްކީ އެންމެ ފަހުން ވެރިކަން ކުރެއްވި ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދެއްގެ ގޮތުގައި ކަމަށެވެ. އެކަމަކު އެ ސަރުކާރު ނިމުނު އިރު ވެސް މިދިޔަ ސަރުކާރުން އީޕީއޭ މިނިވަން ކުރުމަށް އެއްވެސް ވަރަކަށް މަސައްކަތްކޮށްފައި ނެތް ކަމަށް ވިދާޅުވި އެވެ.