ކަރަންޓު ޙަރަދުކުރުމަށް މިސްކިތްތަކުގައި ސޯލާ ޕެނެލް ހަރުކުރުމުގެ މަސައްކަތް މިހާރު އޮތީ ދިރާސާ މަރުހަލާގައި ކަމަށް އެންވަޔަރަމަންޓް މިނިސްޓަރު ތޯރިގް އިބްރާހީމް ވިދާޅުވެއްޖެ އެވެ.
މިނިސްޓަރު ވިދާޅުވީ ރާއްޖޭގައި 600 އަށް ވުރެ ގިނަ މިސްތިތް ހުރި އިރު، އޭގެ ތެރެއިން ސޯލާ ހަރު ކުރެވޭނީ ކޮންކޮން މިސްކިތަކެއްގައިތޯ ބެލުމަށް މިހާރު އިސްލާމިކް މިނިސްޓްރީއާ އެކީ މަޝްވަރާތަކެއް ކުރިއަށް ގެންގޮސްފައިވާ ކަމަށެވެ.
ތޯރިގް ވިދާޅުވީ މިސްކިތްތަކުގައި ސޯލާ ޕެނަލް ހަރުކުރުމުގެ ވާހަކަ ކުރީ ސަރުކާރުން ދެއްކި ނަމަވެސް، އެކަމާ ބެހޭ ރަނގަޅު ދިރާސާއެއް އޭރުގެ ސަރުކާރަށް ހެދިފައި ނެތް ކަމަށެވެ.
ނަމަވެސް މި ސަރުކާރުން އެކަމާ ދިރާސާ ހަދައި، މިސްކިތްތަކުގައި ބޭނުން ކުރާ ކަރަންޓަކީ ސޯލާ ހަކަތަ އަށް ހަދާނެ ކަމަށް ވިދާޅުވި އެވެ.
ރާއްޖޭގައި ހުރި ގިނަ މިސްކިތްކުތަކުގެ ތެރެއިން ވަރަށް ގިނަ މިސްކިތްތަކަކީ އަމިއްލަ ފަރާތްތަކުން ބިނާކޮށްފައިވާ މިސްކިތްތަކެވެ.