ރާއްޖޭގެ ޓޫރިޒަމް އިންޑިއާގައި ޕްރޮމޯޓްކުރަން އަނެއްކާ ވެސް ރޯޑްޝޯތަކެއް ބާއްވަން ތައްޔާރުވެއްޖެ އެވެ.
"ވެލްކަމް އިންޑިއާ" ގެ ނަމުގައި މާދަމާ ފަށާ މި ރޯޑްޝޯ އަންނަ މަހުގެ 1 އާ ހަމައަށް ކުރިއަށް ގެންދާނެ އެވެ. ޓޫރިޒަމް މިނިސްޓްރީ އާއި އެމްއެމްޕީއާރްސީ އާއި މަޓާޓޯގެ އިތުރުން ގެސްޓް އެސޯސިއޭޝަން ގުޅިގެން ބާއްވާ ރޯޑްޝޯ އިންޑިއާގެ ތިން ސިޓީއެއްގައި ބާއްވާނެ އެވެ.
އޭގެ ތެރޭގައި ހިމެނެނީ ވެރިރަށް، ނިއު ދިއްލީ، މުމްބާއީގެ އިތުރުން ބެންގަލޯރް އެވެ.
"ވެލްކަމް އިންޑިއާ" ރޯޑް ޝޯ އަށް ޓޫރިޒަމް މިނިސްޓަރު އިބްރާހީމް ފައިސާލާއި ޓޫރިޒަމް ދާއިރާގެ ގިނަ ބަޔަކު ބައިވެރިވާނެ އެވެ. އެގޮތުން މިނިސްޓަރު މިއަދު އިންޑިއާ އަށް ފުރާވަޑައިގަންނަވާ ގޮތަށް ހަމަޖެހިފައިވެ އެވެ.
މިދިޔަ އަހަރު ރާއްޖެ އަށް އެންމެ ގިނަ ޓޫރިސްޓުން އައި އިންޑިއާ އަކީ މިހާރު 6 ވަނަ އެންމެ ގިނަ ޓޫރިސްޓުން އަންނަ ގައުމެވެ. މި މަހުގެ 27 އާ ހަމައަށް އެ ގައުމުން ރާއްޖެ އަށް 70،753 ޓޫރިސްޓުން އައިސްފައިވެ އެވެ.