އައްޑޫގައި ފްލޯޓިން ސޯލާ ޕެނަލް އިންސްޓްރޯލްކޮށް، ކަރަންޓް އުފައްދާބެ ބަޔަކު ބަޔަކު ހޯދަން ބީލަމަށް ހުޅުވާލައިފި އެވެ.
ފިނޭންސް މިނިސްޓްރީން ބުނީ ޑިޒައިން، ބިލްޑް، ފިނޭންސް، އޯން، އޮޕެރޭޓް، ޓްރާންސްފާ އުސޫލުން 10 މެގަވޮޓްގެ ފްލޯޓިން ސޯލާ ޕެނަލް އިންސްޓޯލަކޮށްގެން ކަރަންޓު އުފައްދާ ފޯރުކޮށް ދިނުމުގެ މަސައްކަތް ކޮށް ދޭން ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު މި އަހަރުގެ އޮކްޓޯބަރު 29 އާ ހަމައަށް ހުޅުވާލައިފި އެވެ.
މިނިސްޓްރީން ބުނީ މި މަސައްކަތް ކުރިއަށް ގެންދަން ހަމަޖެހިފައި ވަނީ ދެ ލޮޓެއްގައި ކަމަށެވެ. އެއީ ލޮޓް 1 ގައި ހިމެނޭ މަރަދޫ ބަނދަރާއި އަދި ހުޅުމީދޫ ބަނދަރުގައި ދެ މެގޮވަޓްގެ ކަރަންޓު އުފައްދައި ފޯރުކޮށް ދިނުމެވެ. މި ލޮޓްގެ ބޮޑް ސެކިއުރިޓީ އަށް 40،000 ޑޮލަރު ހުށަހަޅަން ޖެހެ އެވެ.
ލޮޓް 2 ގައި ހިމެނޭ ހިތަދޫ ހިތަދޫ ޕޯޓް އޭރިއާގައި 8 މެގަވޮޓްގެ ކަރަންޓު އުފައްދައި ފޯރުކޮށް ދިނުމެވެ. މި ލޮޓްގެ ބިޑް ސެކިއުރިޓީ އަށް 160،000 ޑޮލަރު ހުށަހަޅަން ޖެހެ އެވެ.
ފިނޭންސް މިނިސްޓްރީން ބުނީ މި ބީލަމުގައި ބައިވެރިވާން ބޭނުންވާ ފަރާތްތަކުން މިއަދުން ފެށިގެން އޮކްޓޯބަރު 24 އާ ހަމައަށް ރަޖިސްޓްރީވުމުގެ ފުރުސަތު ހުޅުވާލާފައިވާ ކަމަށެވެ. ރަޖިސްޓްރީވާން ޖެހެނީ ބަނޑޭރި ޕޭ ޕޯޓަލް މެދުވެރިކޮށެވެ. އަދި ރަޖިސްޓްރޭޝަން ފީ އަށް 1،500ރ. ދައްކަން ޖެހެ އެވެ.
މި މަޝްރޫއަކީ ސަރުކާރުން ވޯލްޑް ބޭންކުގެ އެހީގައި ހިންގަމުން އަންނަ އެކްސެލެރޭޓިން ރިނިއުއަބަލް އެނަޖީ އިންޓެގްރޭޝަން އެންޑް ސަސްޓެއިނަބަލް އެނަރޖީ (އެރައިޒް) މަޝްރޫޢުގެ ދަށުން ހިންގަން ހަމަޖެހިފައިވާ މަޝްރޫއެކެވެ.