ރާއްޖެ އަށް ހަތަރު ގައުމަކުން ކަނޑައެޅި ސަފީރުން، ސަފީރުކަމުގެ ފަތްކޮޅު ރައީސް ޑރ. މުހައްމަދު މުއިއްޒަށް މިއަދު އަރުވައިފި އެވެ.
ހެދުނު ރައީސް އޮފީހުގައި ބޭއްވި ރަސްމިއްޔާތުތަކެއްގައި ރައީސް އަށް ފަތްކޮޅު އަރުވާފައިވަނީ، އެންގޯލާ، ޔޫރަޕިއަން ޔޫނިއަން، ނިއުޒިލެންޑް އަދި ސްވިޒަލެންޑްގެ ސަފީރުންނެވެ.
ފަތްކޮޅު އެރުވި ސަފީރުން:
* އެންގޯލާއިން ކަނޑައެޅި ސަފީރު: ކްލެމެންޓޭ ޕެޑްރޯ ފްރާންސިސްކޯ
* ޔޫރަޕިއަން ޔޫނިއަނުން ކަނޑައެޅި ސަފީރު: ރިއާ ކާމެން މޮރެނޯ ރޭމުންޑޯ
* ނިއުޒިލޭންޑުން ކަނޑައެޅި ސަފީރު: ޑޭވިޑް ޕައިން
* ސްވިޒަލެންޑުން ކަނޑައެޅި ސަފީރު: ޑރ. ސިރި ވަލްޓް
އެ ބޭފުޅުން ރާއްޖެއަށް ކަނޑައަޅާފައި ވަނީ ނޮން-ރެސިޑެންޓް ސަފީރުންގެ ގޮތުގަ އެވެ. އެންގޯލާގެ ސަފީރު ފިޔަވައި ދެން ހުރި ގައުމުތަކުގެ ސަފީރުން ތިއްބަވާނީ އަވައްޓެރި ސްރީލަންކާގެ ކޮލޮމްބޯގަ އެވެ. އެންގޯލާގެ ސަފީރު ހުންނަވަނީ އިންޑިއާގެ ނިއުދިއްލީގަ އެވެ.